استاذ فيصل ارجو المساعدة او حتى المرور؟؟؟؟

[tata almoon]

سعادة الاستاذ فيصل مدير القبول.......
ارجو الرد علينا المتقدمات لقسم اللغة الانجليزية (لغويات -ادب)
هل فيه اختبار للقسم او لا لانو السنة اللي راحت كان مفاضلة بالمعدل ودرجة التوفل طب السنة هذي كييييييف وكم ممكن يقبلو طالبات لغويات ؟؟؟
مع انو كتبولي مستوفي شروط الترشيح انتظر القبول

[sbelady]

حسب علمى ان المفاضلة على المعدل ودرجة التوفل واذا كان هناك اختبار سوف يكون في 9/5 عليك الاتصال بالقسم قبل هذا الموعد من موقع الجامعة كلية الاداب - دليل المنسوبين

[tata almoon]

لك مني جزيل الشكر والتقدير ...

[moonlightshadow]

المشاركة الأصلية كتبت بواسطة tata almoon سعادة الاستاذ فيصل مدير القبول....... ارجو الرد علينا المتقدمات لقسم اللغة الانجليزية (لغويات -ادب) هل فيه اختبار للقسم او لا لانو السنة اللي راحت كان مفاضلة بالمعدل ودرجة التوفل طب السنة هذي كييييييف وكم ممكن يقبلو طالبات لغويات ؟؟؟ مع انو كتبولي مستوفي شروط الترشيح انتظر القبول

سلام عليكم

شكرا اختي على الموضوع , انا في نفس الوضع, بس حابه اسألك و ين كتبولك مستوفي شروط الترشيح انتظر القبول ؟ انا خلاص وصلتلهم اوراقي و قبلوها , إش في تاني نعملوه غير الاستعداد للامتحان؟

بدات تدرسي و لا لسه؟ عندك معلومات عن الامتحان؟ معليش اسألتي كثيره

ياريت اذا عندك معلومات جديده تقوليلنا هنا او حياك الله راسليني على اميلي

و السلام عليكم

[tata almoon]

سلام عليكم

شكرا اختي على الموضوع , انا في نفس الوضع, بس حابه اسألك و ين كتبولك مستوفي شروط الترشيح انتظر القبول ؟
(القبول-التقديم للماجستير والدكتوراة-استمارة الترشيح-استفسار عن طلب سابق-ادخلي رقم الهوية)
انا خلاص وصلتلهم اوراقي و قبلوها , إش في تاني نعملوه غير الاستعداد للامتحان؟
ما ادري لكن رح اكثف اتصالاتي على المسؤولين في الكلية اتاكد اذا في امتحان اولا مثل ما قال الاستاذ فيصل

بدات تدرسي و لا لسه؟
تقريبابس مو باجتهاد زي اول
عندك معلومات عن الامتحان؟
ولاااشي اسئل بكل مكان ولاحد يرد اتوقع كل واحد يختبر تجيه صدمه ماعاد يرجع للمنتدى
معليش اسألتي كثيره
عادي حبيبتي وشكرا على تواصلك من زمان واناابغى احد يشاركني همي

ياريت اذا عندك معلومات جديده تقوليلنا هنا او حياك الله راسليني على اميلي
ارسليلي ايميلك عالخاص وباضيفك عالمسنجر وإن شاء الله نقدر نفيد بعض

و السلام عليكم

[wardee]

نفس الاسئلة عن الاختبار
وسؤال كمان
عزيزاتي هل معاكم نتيجة اختبار التوفل
لانه على حسب ما قالتلي احدى منسوبات الجامعة
ان اللي معاها بكالوريوس انجليزي ما يحتاج تدخل اختبار التوفل
ارجوا الافادة مع الشكر

[tata almoon]

لاضروري تختبري توفل وتاخذي نتيجته وتلحقيها باوراقك
لان اذا ماكان في اختبار رح تكون المفاضلة بالمعدل ودرجة التوفل...يعني هو شرط اساسي كمان اللي عرفته مؤخرا انو لازم تاخذي درجة اعلى من 550 والله اعلم

[moonlightshadow]

سلام عليكم

لازم اختبار التوفل لانوه بيحدد مستوى اللغه( على بالك كل خريجات الانجليزي يعرفوا انجليزي, و الله يدوبك يفكوا الخط)

اختي tata almoon

take a look at my profile to get my e-mail address, since I have less than 75 posts, I cannot send PMs!

سلام عليكم