بس للي يبون a+

[[uni girl]]

بسم الله الرحمن الرحيم
السلام عليكم و رحمة الله و بركاته
خاص و حصري للي يبي ""a+
عندي طريقه حلوه وسهله و تهبل
تعرفون اللي جالسه عندكم في البيت تستناكم ترجعون من الدوام؟؟
وتحط غداكم وتجهز عشاكم؟؟
تطلعون من البيت و ترجعون وهي يدها على قلبها "ربي لا تحرمني دخاتهم علي ربي ردهم لي ردا جميلا ربي وفقهم ويسرلهم"
عرفتوها؟؟<<اللي عرف يرفع يده
ايه صح امهاتنا
تبون تتوفقون؟؟
تبون ترتاحون في حياتكم؟؟
تبون.............. وتبون..................... وتبون..................

خلاااااااااااااااص اغلبنا 19 18 17 كلنا كبار
مو خلاااااااااااص؟؟
المفروض امهاتنا الحين يجنون شوية من الكثييير اللي زرعوه فينا؟؟؟؟

تعرفون مكتبة خوارزم اللي في العلوم<<البنات طبعا
الكرت فيها بريال <<والببسي بريال مو غالي
اشتري كرت واكتبي فيه
"امي احبك"

وعطيها حتى لو قالت انقلعي ترى بتجي في نفسها
اذا طلعتي الجامعه <<الصبح يعني

بس توصلين اكتبي لها مسج
"امي الغاليه الحبيبه ياشمعة الدنيا انا بالجامعه توصين شي؟؟"

وليـــــــــــــــــــــــــه اذا جاء الواحد منا يذاكر قفل على نفسه بحجرته؟؟
ليه مواذا جينا نذاكر نخلي الباب مفتوح ونقول يمه يالغاليه ترى انا باذاكر وبخلي الباب مفتوح بس تحتاجين شي ناديني
ترى والله ما فيها شي اذا دخل الواحد على امه وهو جايب لها سيزر ولا ببسي وحط ثلج في كاسه وطلعه لها <<سيزر تفاح اذا امك تسوي رجيم

واذا صار عندك اختبار قولها
امي امي تكفيــــــــــــــــــــــــن
تكفيــــــــــــــــــــــــــــــــــــن
ادعــــــــــــــي لــــــــــــــــي ترى والله والله والله يمه مالي غيرك مالي غيرك ما بتلقاها الا ودموعها تسبق دعاها وتقول يارب وداعتك وليدي يارب نجحه <<بنيتي عشان البنات ما يبكون علينا

واذا امك حست بذا الشي بتدعي لك من كل قلبها
والله اذا ارضيتوها ما تشوفون إلا كل توفيق حتى الوقت يتبارك حتى الدروس تسهل وكل شي يتيسر
يارب اجعلنا كلنا بارين والدين<<امنو
ادري الموضوع ما له علاقه بالمنتدى
بس عشان ما نتحسر يوم القيامه على مجلس ما ذكرنا ربي فيه