كلية التربيه حق مهضووووووم

[Ranoom.ys]

بسم الله الرحمن الرحيم
السلام عليكم أعضاء وعضوات المنتدى

اخيرا انضمت كلية التربية للبنات لجامعة الملك عبد العزيز..مما يمنحها انها يكون لها نفس ميزات طالب جامعة الملك عبدالعزيز..لكن للأسسسسسسسف حقنا مهضوم
مين يصدق حساب معدل تجريبي حتى ماعندنا بصفحة الطالب؟

حاليا نزلت التخصصات وطلبات التسكين..ومالزالت التخصصات العلميه الأخرى محكورة على طلاب الجامعه؟ والله قهر مين يصدق شي حيلك وجيب معدل وفي النهايه 6 تخصصات فقطططططط؟؟ ويقولو علينا جامعه !!!

أنا اشتكيت من كثر ما ضاق بيا الحال..اتمنى اتخصص لغة انجليزيه ولكن لاسمح الله مامشي الحال.. ماقدامي غير عربي ةتاريخ وجغرافيا وتخصصات شبه منقرضه ؟؟؟؟
ياريت يكون لشكواي مستمع ويكون ناس معايا

وياريت في اختيار تخصصاتنا يتم النظر على الأقل لدرجة الماده الي نبى نتخصص فيها عشان بس لاتخلص السنه ونقعد بالبيت لا دراسه ولايحزنون..

[angel heart]

يؤؤؤؤؤؤؤؤؤ

عاد احنا مافتحو لنا التخصصات كمان

قدمنا ع الكليات بس

وماندري فين ربي حطنا هههههههههههههههههه

الله يوووفقك ياقلبي وتدخلي القسم اللي تبغيه

[حــلم]

لااا والمصيبه مرا طالبين معدل كبير بالانجلش,,انا اللي سمعته انهم يبغوا a ,a بلس ..تخيلوووا ...

بس الين دحين ماني متأكده,,,
طب انتوا ما سمعتوا بدي المعلومه ....

[مني يغار الورد]

إيوووووووووووووووووووووووووووه ؟إنا لله وإنا ايه راجعون طالبين 95 في الانقلش ترم أول و95 ترم تاني أعوذ بالله ليش؟؟؟وأظن معدل 4 وفوق وأنا سالت قلتلها لو ماجبتها إيش اسوي قالت ممكن رئيسة القسم تتغاضى وتسالك اسئلة شفهيه وإذا جاوبتي بطلاقه خلاص طيب أنا لو عندي طلاقة ماكان دخلت أنا داخله أبغى اتعلللللللللللللللللللم

[moon roro]

وانااا معاكم من جد بعد التعب دا كلوو 6 تخصاصات منقررضه والانجليش صحيح الكلام الي تقال طالبين a+ or a
بسس ..
الله يعين ياارب ويفتحوا تخصاصات جديده

[مني يغار الورد]

آههههههههههههههههههاآهااااااااااااااااااا ياحسره من وين ؟؟؟؟ لا والمصيبه إنا لله ممكن ماننقبل في الاقتصاد نظرا لانه ممكن اغلب بنات العلمي يجوا كلية الاقتصاد وهم ماشين بنظام الاكتفاء لا حول ولا قوة الا بالله

[smile3]

من جد نحنا بكليات التربيه مالنا اى حق وقال ايه طالبات جامعيات

طب حسسونآآ بدا الشي وافتحو تخصصات جديده مو هيه هيه تخصصات التربوي

وقال ايه ع دفعتكم شهادتكم بكالوريس مو تربوي ,,,,,,,,

بالله كيف نصدقكم ومافى اى دليل ع كلآآآآمكم,,

والمصيبه العضمى يقولو لو خلصت المبانى الى بكليه الفيصليه حتكون فى تخصصات

ماخلصت حتكوت التخصصات للدفعه الجآآيه,,,,

بالله يرضى مين انو يكون مصيرنآآ ومستقبلنا مربووط بمانى

واللهى شي يقهر,,,

والى يقهر اكتر انو كليه السلآآآمه دى مو كليه دى مزبله السلآآآمه الله يكرمكم,,,

تخيلوو كلها حفريااات ودونيآآآ واشياء مكسره والنموووووووووووووووووووس

الى بودينآآآ في داهيه ,,,,

واللهى من جد شي يقهر,,,

آآسفه لو طولت عليكم بس من جد دا حال ماينسكت عليه,,,,

من جد نبغا حال للدوآآآمه الى نحنا فيها,,,

[Ranoom.ys]

ياحبايبي ما قلنا شي عالطلب بس ياريت ينظروا لدرجة الماده عالاقل نضمن انه يتصفى المتقدمين
وقسم الله الانجليزيه للاسف قسم ما ينفع انك تدخليه عشان تبدأي تتعلمي..لازم تكوني معدة نفسك اعداد جيد عالاقل تفهمي الاساتذه لما يتكلمو لانهم ما راح يكلموك كلمه عربي..
لكن ربك يعين...انا جايبه 100 من 100 في الانجليزي وميته خوف لاتجي وحده معدله زايد عني بدرجه وحده يخلي لها الاحقيه .. في كثير داخلين على طول انجليزي وبيحولو من اول ترم اول اول سنه وبكدا ما خلو غيرهم الي يستحق انه يدخل ويمشي في التخصص..لكن الي جدا قاهرني هوا عدم وجود التخصصااااااااااات يعني لو ما دخلت انجليزي انتهت الحياه ؟؟ ادخل تخصص لو جيت اكلم احد فيه ما يفقه شي؟ بالله مين في الحياه لسه بيدرس تاريخ وجغرافيا؟؟ ربكم يعيييييييين ويكتبلنا الي فيه الخير

[Ranoom.ys]

ايوه والي نسيت ابلغكم عنو حبيباتي انهم راح ينظروا للمعدل بصفه عاااامه..ولكنهم بيطالبو بالنظر لدرجة الماده..وحياخدو 250 بنت من 1500

[nabeeeeel_ms]

الإنجليزي المعدل المطلوب للتخصص غير محدد
طبعا حسب المقاعد المتاحة
بس في الغلب ما يزيد عن 4.00
وراح يكون في شروط على درجات elca 101
elca 102