استفسار عن جدول ومحاضرات تخصص انقليزي ( عنوان معدل )

[عبير منشي]

أولاً لا حول ولا قوة إلا بالله..
كل يوم اعرف أكثر من اليوم اللي قبله ليش جامعاتنا في ذيل قائمة تصنيف الجامعات على مستوى العالم أو حتى الخليج !

يا ناس.. ليش الجامعة تفتح منتديات اذا ماعندهم امكانية يجاوبوا الناس اللي يشق عليهم المشوار لمقر الجامعة أكثر من مرة ؟ مو مفروض يكون فيه من المشرفين او الادارة احد منسوب في الجامعة عشان يقدر يفيدنا وياخذ لنا أخبار مؤكدة عن امور نحتاجها ؟

انا اسبوعين رايحة جاية متمرمطة من مكة لجدة عشان موضوع الانتظام وبالأخير اترفضت وباخذ حقي من المديرة يوم القيامة ماابغى اطوّل كلام عن هالموضوع دحين.

الزبدة عندي كم سؤال كانتساب اصابعي نملت وانا اسأل فمنتدى الجامعة الرسمي ولا حياة لمن أنادي و هنا كمان اشوف اسئلة مشابهة لطالبات ومافي اجابات غير اي كلام !

والله تعبت من الروحة و ماعندي فلوس ليموزينات اكثر من كده ضاعت 1300 ريال فأسبوعين حق تكاسي حتى لو بروح مضطرة استنى اسبوعين الين يتوفر معايه مبلغ للتكاسي و المحاضرات حسب الاشاعات المتبادرة لنا بدون تأكيد لا من جهة رسمية ولا تقويم ولا أي أحد ... انها بتبدأ الاربعاء هذا !!

المهم أسئلتي :

1- متى تبدأ محاضرات الانتساب للمستوى الثالث طالبات كلية الاداب انقليزي؟

2- هل امتحان تحديد المستوى اللي امتحنوه طالبات الانتساب المتقدمات لتخصص انقليزي قبل اسبوع اجباري للكل حتى اللي معدلاتهم ممتازة ؟ أنا مادخلته لأن معدلي فوق أربعة. و جايبة في الانقليزي الترمين 98 و 94
كده مقبولة ولا اتكنسل قبولي ؟

3- في الاودس ايش معنى كلمة تسجيل اللي اشوفكم تتكلموا عنها ؟ تسجيل في الفصل الدراسي ولا تسجيل الحذف والاضافة ولاّ ايش بالضبط؟

4- فين راح يكون اختبارنا النهائي نحن طالبات الانتساب تخصص لغة انقليزية؟ في المقر الرئيسي للجامعة بالسليمانية أم الفيصلية أم أين ؟

5- ان كانت الإشاعات بأن المحاضرات تبدأ الاربعاء يعني بكرة 3-11 و احنا للآن ما نزلت لنا جداول ولا راحت عبارة تعليق الوضع من صفحاتنا في الاودس ولا سجلنا بسببها رغم اننا سددنا و رغم الفوضى المريعة في النظام لأن فيه ناس ما سددوا و مع ذلك نزلت لهم جداول !!

فكيف حيكون وضعنا؟ تفوتنا المحاضرات مو مشكلة لأنها مسجلة. لكن المشكلة اننا ممكن ننحرم من الترم لأن هالسنة غير عن التحضيرية هالسنة تحتاج تسجيل عند الاساتذة و حذف و اضافة فلما تبدأ المحاضرات بعد بكرة معناها راح الترم علينا أو في أسوأ الأحوال نحتاج إلى رحلة مرمطة جديدة في مبنى العمادة لتزبيط الوضع بعد ما فاتنا برغم عدم ذكرهم لمواعيد المحاضرات في التقويم ؟!

6- فيه كتالوج أو دليل مفردات أو أياً كان اسمه خاص برموز و أسماء و ارقام المرجعية لمواد قسم الانقليزي ؟ لأني تعبت وانا افرفر المنتدى وادور بين الصفحات القّط أي معلومة عن رموز المواد. ومو محصلة شي فمنتدى الانقليزي بهالخصوص.

[mesho.ksa]

المشاركة الأصلية كتبت بواسطة عبير منشي أولاً لا حول ولا قوة إلا بالله.. كل يوم اعرف أكثر من اليوم اللي قبله ليش جامعاتنا في ذيل قائمة تصنيف الجامعات على مستوى العالم أو حتى الخليج ! لآحول ولآقوة الا بالله , اذكري الله اختي وصبآحك سعيد :) يا ناس.. ليش الجامعة تفتح منتديات اذا ماعندهم امكانية يجاوبوا الناس اللي يشق عليهم المشوار لمقر الجامعة أكثر من مرة ؟ مو مفروض يكون فيه من المشرفين او الادارة احد منسوب في الجامعة عشان يقدر يفيدنا وياخذ لنا أخبار مؤكدة عن امور نحتاجها ؟ الله يكتب آجرك على المشآوير الي ضربتيهآ وبالنسبة للمنتديات اختي انتي تبين واحد فاهم يجي يعطيكي الكلآم المضبوط ولآ واحد يجي ويرمي لك كلآم رآيح وجآي ويلخبطك؟ اذا ماشفتي رد على الموضوع الي طرحتيه رآسلي المشرفين بالرسائل الاكاديمية ورح يتجاوبو بشكل آسرع , كل شخص وظروفه ممكن يدخل للمنتدى لكن مايقرب من القسم لانشغاله في قسم اخر يختص بالتخصص الي مختاره هو .. انا اسبوعين رايحة جاية متمرمطة من مكة لجدة عشان موضوع الانتظام وبالأخير اترفضت وباخذ حقي من المديرة يوم القيامة ماابغى اطوّل كلام عن هالموضوع دحين. الله يكتب آجرك ويردلك حقك يآرب ..~ الزبدة عندي كم سؤال كانتساب اصابعي نملت وانا اسأل فمنتدى الجامعة الرسمي ولا حياة لمن أنادي و هنا كمان اشوف اسئلة مشابهة لطالبات ومافي اجابات غير اي كلام ! تفضلي تحت آمرك , وسلآمة اصآبعك والله تعبت من الروحة و ماعندي فلوس ليموزينات اكثر من كده ضاعت 1300 ريال فأسبوعين حق تكاسي حتى لو بروح مضطرة استنى اسبوعين الين يتوفر معايه مبلغ للتكاسي و المحاضرات حسب الاشاعات المتبادرة لنا بدون تأكيد لا من جهة رسمية ولا تقويم ولا أي أحد ... انها بتبدأ الاربعاء هذا !! الله يعوضك يآرب ضعفها مليآرإت ويكتب آجرك .. المهم أسئلتي : 1- متى تبدأ محاضرات الانتساب للمستوى الثالث طالبات كلية الاداب انقليزي؟ اي حاجة تختص بالمواعيد تلقيهآ نآزلة بالتقويم هنآ http://admission.kau.edu.sa/accesspa...ng=ar&sys_id=8 انتظري التحديث ان شاء الله الاسبوع الجاي وبيوضح معاكي ان شاء الله 2- هل امتحان تحديد المستوى اللي امتحنوه طالبات الانتساب المتقدمات لتخصص انقليزي قبل اسبوع اجباري للكل حتى اللي معدلاتهم ممتازة ؟ أنا مادخلته لأن معدلي فوق أربعة. و جايبة في الانقليزي الترمين 98 و 94 كده مقبولة ولا اتكنسل قبولي ؟ الاختبار اعتقد انه للي اختل عندهم شروط مثلآ درجاتها تحت 90 والمعدل اقل من 4 وش كاتبين في بياناتك بالاوديس؟ 3- في الاودس ايش معنى كلمة تسجيل اللي اشوفكم تتكلموا عنها ؟ تسجيل في الفصل الدراسي ولا تسجيل الحذف والاضافة ولاّ ايش بالضبط؟ الحذف والاضافة ناس يقولو بدا وناس يقولو رح يظهر بالتقويم موعد التعديل والي رآجعو الجامعة عدلو جداولهم من عند الاستاذة جميلة واعتمدوه حسب المواد الي يختاروها هم <~ يعني انتي تختاري موادك وهي تنزلها بالجدول وتعتمده لك 4- فين راح يكون اختبارنا النهائي نحن طالبات الانتساب تخصص لغة انقليزية؟ في المقر الرئيسي للجامعة بالسليمانية أم الفيصلية أم أين ؟ رح توصلك رسآلة على جوآلك 5- ان كانت الإشاعات بأن المحاضرات تبدأ الاربعاء يعني بكرة 3-11 و احنا للآن ما نزلت لنا جداول ولا راحت عبارة تعليق الوضع من صفحاتنا في الاودس ولا سجلنا بسببها رغم اننا سددنا و رغم الفوضى المريعة في النظام لأن فيه ناس ما سددوا و مع ذلك نزلت لهم جداول !! مآفي آي محآضرآت رح تبدآ الا لما ينزل الموعد في التقويم الجامعي ولآتسمعي من برآ آلتزمي بموقع الجامعة + تقويمهآ لمعرفة المواعيد وعبآرة الفرز مآعليكِ منهآ ظآهرة للكل فكيف حيكون وضعنا؟ تفوتنا المحاضرات مو مشكلة لأنها مسجلة. لكن المشكلة اننا ممكن ننحرم من الترم لأن هالسنة غير عن التحضيرية هالسنة تحتاج تسجيل عند الاساتذة و حذف و اضافة فلما تبدأ المحاضرات بعد بكرة معناها راح الترم علينا أو في أسوأ الأحوال نحتاج إلى رحلة مرمطة جديدة في مبنى العمادة لتزبيط الوضع بعد ما فاتنا برغم عدم ذكرهم لمواعيد المحاضرات في التقويم ؟! وانتي قلتيهآ مآنذكرت بالتقويم يعني من الاساس مآبدإت لسة ومآرح تروح عليكِ السنة ولآشي , فقط متى ماتيسر لك اليوم او بكرآ او السبت انزلي للجامعة وثبتي جدولك من عند الاستاذة جميلة 6- فيه كتالوج أو دليل مفردات أو أياً كان اسمه خاص برموز و أسماء و ارقام المرجعية لمواد قسم الانقليزي ؟ لأني تعبت وانا افرفر المنتدى وادور بين الصفحات القّط أي معلومة عن رموز المواد. ومو محصلة شي فمنتدى الانقليزي بهالخصوص.

بالنسبة للجدول روحي للجامعة سويه من عندهم افضل لآن الارقام المرجعية والامور ذي صعبة وممكن تجيبي العيد تنزلي مواد ماهي عندك بالخطة الدراسية بسبب رقم غلط





اتمنى اكون آفدتك


بالتوفيق

[عبير منشي]

ألف شكر لك

[مجمع العرب]

ممكن اعرف فين الاقي الاستاذه جميله ...؟؟؟ اللي تتكلمو عنها

[menam]

شوفي انا اختبرت وانا ما كنت ادري اش الهرجه
وما جتني رساله انو انقبلت :\يمكن كتبت الرقم خطا هع
بس امس سويت جدولي من الحذف والاضافه
وفتحته اليوم وانزبط الحمدلله^^شووفي
انتي افتحي الحذف والاضافه واختاري المواد حسب الخطه وان شاءالله كل شي يتسهل لك يارب

[menam]

في محاضرات مسجله في الموقع اذا تبغي^^

[هبه2012]

كيف سويتي الحذف والإضافة

[menam]

من الطالب<تسجيل<الحذف او الاضافه
وبعدين تضغطي تنفيذ بحث شعب دراسيه

[Be smiling]

انا لما رحت للاستاذه جميله يوم الاثنين قالت انو المحاضرات بتبدا يوم الخميس واذذا ماقدرتي تحضريها بتكون مسجله

[جيمي الدلوعة]

المشاركة الأصلية كتبت بواسطة be smiling انا لما رحت للاستاذه جميله يوم الاثنين قالت انو المحاضرات بتبدا يوم الخميس واذذا ماقدرتي تحضريها بتكون مسجله

إنتي قصدك الإنتساب