تم التواصل مع صحيفه سبق الالكترونيه بخصوص اعتماد شهاده التعليم عن بعد ارجوا الدخول^^

[ترانيم الصمت]

بنسخ لكم الخطاب الي ارسلته وبعطيكم ارقامهم وايميل الاداره عشان انتوا بعد تتواصلون معهم
همتكم ياشباب والله مايضيع حق ووراه مطالب وحنا ماطلبنا الا حقنا زينا زي باقي الجامعات




السلام عليكم ورحمه الله وبركاته

تحيه طيبه وبعد

بعد ماضاقت بنا السبل وجربنا شتى الوسائل لم يبق لنا الا حل اخير لايصال صوتنا ومشكلتنا للمسؤلين عن التعليم العالي والخدمه المدنيه و انتم الان بمثابه
طوق النجاه والقشه الاخيره التي سيتعلق بها الغريق ياسبق
نحن طلاب وطالبات التعليم عن بعد في جامعه الملك عبدالعزيز بجده اكتشفنا ان شهاداتنا غير معتمده للاسف لدى التعليم العالي ولدى الخدمه المدنيه
برغم ان التعليم عن بعد برنامج تم تدشينه قبل 6 سنوات في الجامعه وللان مازال اعتماد الشهاده قيد الدراسه !!َ1
بعد اكتشاف وصدمه بعض اخواننا الخريجين بشهاداتهم ومصيرها المجهول للان حاولنا واجتهدنا للوصول للمسؤولين ولاكن كالعاده كلن يرمي الموضوع عند غيره
راحوا طلاب للخدمه المدنيه عشان يتاكدون بنفسهم قالوا لهم ان التعليم العالي ماارسل لهم الاعتماد للشهاده وانه يمديهم يتوظفون بشهايدهم حسب
مفاضله بعد الشركات للشهادات بين طالب منتظم ومنتسب واخونا طالب التعليم عن بعد يعني المؤوسسات الحكوميه والتعليم على وجه الخصوص مالنا عندهم امل
راحوا للتعليم العالي قالوا لهم جامعتكم لازم ترسل اشعار وتوصيف للبرنامج الي تطبقه والمواد التي تدرس فيه وطلب لاعتماده
رجعوا للمدير الجامعه قال انه ارسل الطلب والموضوع معلق من سنتين !!! ولازال قيد الدراسه

طيب الي تخرجوا وش مصيرهم ؟؟ وشهاداتهم وش يسوون بها ؟ والي للان يدرسون وواصلين مستويات بتخصصاتهم وش بيصير على شهاداتهم؟؟
علما ان الجامعه الالكترونيه تطبق التعليم عن بعد تحت مسمى " الانتظام المطور " لانه مايفرق عن الانتظام بشئ مطالبين بساعات حضور ويحسب علينا
الغياب وواجبات ووالاختبارات لها زمن معين للتسليم والله اننا نواجه مشاكل وصعوبات مايدرون عنها طلاب الانتظام ومطلوب مننا جهد شخصي جبااااااار
بعكس طلاب الانتظام الي ياخذون ملخصات ويقدرون يتواصلون مع اساتذتهم بمنتى الراحه والسهوله وبعد كل هالمشقه حتى اعتراف بشهايدنا صار كثير علينا ؟؟
نطالب باعتماد الشهاده اسوه بباقي الجامعات التي تطبق هالنظام كجامعه الامام بالرياض والجامعه الالكترونيه

ماوصلنا لكم الموضوع ياسبق الا عقب مئات الرسايل للاداره الجامعه وانواع الخطابات من دون ذكر الاتصالات التي ليس لها مجيب
وبرفق لكم خطاب من احد اخواننا الخريجين للاداره الجامعه والي محد تجاوبمعه للاسف وبرفق خطاب اخر للمدير بشؤون الطلابيه

وهذا رابط للصفحتنا بمنتدى طلاب وطالبات جامعه الملك عبدالعزيز سكاو - ملتقى التعليم عن بعد نتمى منكم زياره الموضوع مشكورين
http://www.skaau.com/vb/showthread.php?t=639659

واذا رغبتوا بالتواصل مع الطلبه بالمنتدى انا بحط لهم ارقامكم إن شاء الله واذا احتجتوا بعد للاسماء او ارقام جامعيه للتضمينها بالمقال مابنقصر
بس اامروا

وبارك الله فيكم وفي جهودكم للخدمه الوطن والمواطن وايصال صوته ومشكلته للمسؤولين والاسهام بدووور كبير في حلها

اخوانكم وخواتكم طلاب التعليم عن بعد جامعه المؤوسس




*
يمكنك التواصل مع إدارة سبق عبر البريد الإلكتروني :

info@sabq.org


البريد :

صحيفة سبق الإلكترونية
صندوق بريد : 63523
الرياض : 11526
المملكة العربية السعودية

فاكس

يمكنك التواصل مع الصحيفة عبر الفاكس التالي :
الرياض 01 - 2001415

[ŠĥỜŚĥộ]

كفو والله

خطوه جدا ممتازه ولازم نضيق عليهم عشششان يحسون بحجم المشكله اللي نعاني منها عشان يتحركون ويشوفون لنا حل قسسسم حطمونا و وحطمو طموحنا يكفي انهم ماقبلونا انتظام ولا بأي مكان ولما جينا ندرس بفلوسنا ذلونا بموضوع الاعتماد اجل ندفع مبلغ كل ترم موب هين وبالاخير شهادتنا مجرد ورقه مالها اي معني

انا بعد اشوف مو بس نوصل مشكلتنا لصحيفه سبق نوصلها داود الشريان و برنامج الرئيس يقدمة / صلاح الغيدان لان مثل هذول مهتمين جدا بمشاكل المجتمع صح مابيحلون الموضوع بس ع الاقل صوتنا يوصل للجميع


وبالاخير ربي فوقهم كلهم وان شاء الله مابيضيع تعبنا وربنا كريم

الحمدلله ع كل حال وحنا لازلنا متفائلين ومحسنين الظن بالله بانه بيفرجها من عنده بس لابد نعمل بالاسباب ومانسكت عن اقل حق من حقوقنا ...

[دعوه خشوع]

ماشاءالله لاقوه الابالله الله يعطيك الف عافية بارك الله لك وفيك مكافاة لك بقولك كيف الاختبار بالنسبة للقراءة احفظي كل كلمة تواجهك في الكتاب البرتقالي طبعا في اخرالكتاب واالاسئلة نفس الاسئلة الكتاب البرتقالي انتراكشن 1للقراءة1
الاستماع الاسئلة مثل الكتاب اللي هنا http://skaau.com/vb/showthread.php?t=661107
الكتابه سهلهااحفظي الاكاديمة وسوي من تعبير وشكرا لك دعواتك والاسئله للكتابه من السنتراة لمادة الكتابه سهله عليك ان شاء وماشاءالله لااقوة الابالله عموما الاسئله نفس الكتب دعواتك

[طوفان]

احيي حماسكم ولكن هدو اللعب لانريد تشويه صورة الشهاده والبرنامج اعلامياً لاننا نحن المخرج ونحن من سيخسر اكثر في حال تشويهها خصوصاً ان هناك اخبار مؤكده من مصادري الموثوقه تقول بان الفرج قريباً فبلاها هالشوشره لحد مانرى ايش حيصير وان لم يستجد الامر بافضل منه فلننطلق في الاعلام ولكن قطعنا شوط في حل القضيه في وقت قياسي ولازال لدينا حلول غير الاعلام


ملاحظه : كما نعلم ان النظام الذي درسنا من خلاله ذا جوده عاليه من النواحي الاكاديميه والعلميه والفنيه والتقنيه ولكن الجامعه كان لديها قصور اداري وصلنا للهالمرحله

[عطر المساء]

رائــع جــداً ماشاءالله عليك

وعندنا امل كبير بالله ومتفائلين كل خير بإذن ربي كل شي يكون مثل مانتمنى بعدما تلقينا الصدمة بأن شهادتنا ماتسوى ..!!

الف شكر لمثل هذي الخطوة الممتازة غاليتي وفالك التوووفيق ..

[قطوه مكحله]

المشاركة الأصلية كتبت بواسطة طوفان احيي حماسكم ولكن هدو اللعب لانريد تشويه صورة الشهاده والبرنامج اعلامياً لاننا نحن المخرج ونحن من سيخسر اكثر في حال تشويهها خصوصاً ان هناك اخبار مؤكده من مصادري الموثوقه تقول بان الفرج قريباً فبلاها هالشوشره لحد مانرى ايش حيصير وان لم يستجد الامر بافضل منه فلننطلق في الاعلام ولكن قطعنا شوط في حل القضيه في وقت قياسي ولازال لدينا حلول غير الاعلام ملاحظه : كما نعلم ان النظام الذي درسنا من خلاله ذا جوده عاليه من النواحي الاكاديميه والعلميه والفنيه والتقنيه ولكن الجامعه كان لديها قصور اداري وصلنا للهالمرحله

+1
انا اتفق مع الاخ طوفان بكل كلمة وبالمناسبه انا اشكرك جزيل الشكر على ماقمت به من جهود انت وباقي زملائك الله يبارك لكم سعيكم ويوفقكم ويرزقكم من واسع فضله

يااااخوااااتي لزووووم خطواتنا تكون مدروسة بعد استشارة الاخوان اللي لهم دور كبير بالموضوع
فهم لهم دراية وعلم كافي بكل خطوه

بارك الله فيكم

[الاتجاة المعاكس]

ترانيم الصمت
خطوة ممتازة واحييك عليها واحب ازودكم برقم جوال سبق للتواصل وتس آب : 0533880055
هذا الرقم خاص بصحيفة سبق ، اتمنى ان نشارك جميعا في مراسلتهم وتحريك القضية اعلاميا ..
والاخوان اللى يطلبون تهدية الموضوع ويعتبرونها شوشرة ما اعتقد ان اللى يطالب بحقة تعتبر شوشرة ، لان ماخلينا طريقة وما في تجاوب واخر شكوى قدمناها للمدير خلال فترة الاختبار اللى فات ، ولكن للاسف مهمشنا ولا رد علينا اهماااااااال وتطنيش ، وعلى قول المثل لو بة شمس طلعت امس .. ملينا من الوعود الفارغه كذب المسؤلين لهم كم سنه ما عملو شي ..
صدقوني ما راح يسوون لنا شي اذا لم نوصلها لاعلام قوي مثل صحيفة سبق ..

وراح تشووفون نتائج طيبة بعد النشر في سبق واذكركم ، لكن بادرو بالتواصل والشكوى عبر الوتس اب الخاص بهم ..

وبالتوفيق ،،،

[ترانيم الصمت]

اخوي طوفان وقطوه مكحله ..
احنا ماقصدنا الشوشره الاعلاميه على قولكم ومااشوف اننا اسئنى للصوره الشهاده باي شكل من الاشكال
البرنامج من 6 سنين الى الان وش الي بيخليهم يصحون من سباتهم العميق ويعطوننا الاعتماد ؟؟
وبعدين تكلمنا بصوره تعكس واقع مستوانا الجامعي الموضوع مو شوشره وقنابل اعلاميه وبس كل الي نبغاه نوصل صوتنا ونطالب بحل للمشكلتنا بعد ماجربنا انواع الوسائل الثانيه ولاحياه لمن تنادي

[ترانيم الصمت]

المشاركة الأصلية كتبت بواسطة دعوه خشوع ماشاءالله لاقوه الابالله الله يعطيك الف عافية بارك الله لك وفيك مكافاة لك بقولك كيف الاختبار بالنسبة للقراءة احفظي كل كلمة تواجهك في الكتاب البرتقالي طبعا في اخرالكتاب واالاسئلة نفس الاسئلة الكتاب البرتقالي انتراكشن 1للقراءة1 الاستماع الاسئلة مثل الكتاب اللي هنا http://skaau.com/vb/showthread.php?t=661107 الكتابه سهلهااحفظي الاكاديمة وسوي من تعبير وشكرا لك دعواتك والاسئله للكتابه من السنتراة لمادة الكتابه سهله عليك ان شاء وماشاءالله لااقوة الابالله عموما الاسئله نفس الكتب دعواتك

تسلمين ياعسل ماقصرتي وعسى الله يوفقنا وياك يارب ^^

[دعوه خشوع]

المشاركة الأصلية كتبت بواسطة ترانيم الصمت تسلمين ياعسل ماقصرتي وعسى الله يوفقنا وياك يارب ^^

انا افضل انه نترك المنتدى الى نهايه الاختبارات الموضوع حرب اعصاب وجلطات موناويه انجلط ع حساب التعليم عن بعد خاينا نروح ندرس اذا درسنا والاعتماد يجي بعد الفين سنه الله يجيبه ربي رضى ومناسب خخخخخخخخخخخخخخخخروج ناقص بعد نجلط ع حساب التعليم العالي والخدمة المدنيه لاعسى درسنا ولاتوظفنا رضى رضى واللعافيه والكفاية من كل شر يلاياترانيم خلي الموضوع وكل شئ ومكتوب واللي مناسب راح يصير اغلاق المنتدى قال تعليم عالى وعن بعد وخدمة مدنيه الباب اللي يجي منه ريح سده واستريح اغلاااااااااااااااااااااااااااااااق