أستفسار يا أخوان/أخوات

[مسلط الدرعان]

السلام عليكم ورحمة الله وبركاته ،،،،،،،
يسعد صباح / مساء الجميع

يا أخواني/أخواتي انا متخرج من الكلية التقنية بجده دبلوم نظام ثلاث سنوات (90) ساعة وعندي أغلب المواد درجاتها عاليه ولله الحمد وحاولت أكمل بكلية التقنية حقت الرياض بكالوريوس لانه باقي الكليات ما تعطي الا دبلوم حتى كلية جده ما فيه الا كلية الرياض .... لكن مع الاسف جيتهم وقالو لي تخصصك اللي هو (إدارة مكتبية) ما له درجة بكالوريوس ... طيب وين أرووووح! مع الاسف ما فيه اجابه ... قلت يعني اروح أقشر بصل هههههههههه ولا اضرب براسي الجدار والله من جد حاله مع شديد الاسف مزريه والعتب والله على ....( المحافظ بكبره حق المؤسسة العامة للتدريب التقني والمهني ) اللي ما شاف حل لمشكلة خريجي دبلوم الادارة المكتبية اللي جالسين يترنحون مو عارفين وش يسوو بشهاداتهم إلى متى بدون شهادة بكالوريوس.

المهم أنا الحين من طلاب الانتساب بجامعة الملك عبد العزيز سنه تحضيرية خطه أ .... لكن ابي استفسر عن المواد اللي درستها بالكلية التقنية هل فيه مجال أعادلها ببعض المواد في دراستي بالجامعه ... والله حراااام تروح ثلاث سنوات من عمري الدراسي هدر بالله مو قهر يا جماعه والله اعرف ناس بكوا على تخصصهم هذا وين تنمية الموارد البشرية والكلام اللي في التلفزيون والراديو واللي يدرس في جامعاتنا وكلياتنا هذا اكبر دليل على تنمية الموارد البشرية.

أرجو من اللي عنده خلفيه عن الموضوع يرد ويوجهني وين ارووووح؟
وجهوني الله يجزاكم عني وعن غيري خير الجزاء.



......................... وشاكر لكم مقدماً ..........................

[odus]

اخوي نفس مشكلتك بالضبط انا خريج اداره مكتبيه من كليه التقينه بالرياض ومعدلي 4 و37 مع مرتبه الشرف ودرست بجامعه جده انتساب من جديد وللاسف مايعادلون الشهاده ماعليك اخوي الا الصبر والاحتساب وعسى الله يوفقك
وانا خطه أ بعد