لطالبات وطلاب علم نفس تدريب ميداني 2 (انتساب) عاجل ومهم

[Amanooo]

السلام عليكم ورحمة الله وبركاته

بنات وشباب تدريب ميداني 2 والي حابيين يتدربو دا التيرم أنا رحت امس الميدكل تبع الخطوط السعودية (قسم النفسية) وسئلت الدكتورة عن التدريب وقالت هيا مستعدة تدرب بس لازم يكون العدد اقل شي 10 طلاب عشان تبدأ وحاليا مافي عدد لانها قريب خلصت من تدريب مجموعة ف قالت لي انتي شوفي واسئلي عشان لو في عدد نبدأ تدريب وأعطتني رقمها وقالت عادي تسجل اسماء بالجوال يعني مؤ ضروري تروحو تقابلوها قبل التدريب

خلاصة الموضوع الي حاب يتدرب يعطيني خبر

بس المشكلة مني عارفة كيف أعطيكم رقم الدكتورة لأنو المنتدى يمنع وضع الأرقام والمراسلات
وأخاف أحط رقم الدكتورة وتطلع مؤ حابة ينتشر رقمها في منتديات
وبرضو ما عندي مشكلة أنا أخد الاسماء والأرقام للحابين يسجلو واكلم الدكتورة بنفسي واسجلكم بس برضو كيف حاخد الاسماء والأرقام
ارجو إفادتنا في هذا الامر وشكرا

[ايات الحفني]

والله انا بفكر اروح معاكي

[شع شع]

وانا معاكم

[Amanooo]

المشاركة الأصلية كتبت بواسطة ايات الحفني والله انا بفكر اروح معاكي

اوك فكري ورديلي

[Amanooo]

المشاركة الأصلية كتبت بواسطة شع شع وانا معاكم

اوك اخدت معلوماتك وان شالله اسجلك

[روان*]

اوك وانا معاكي فين موقعهم

[كسرة سكر]

وش اسم الدكتوره ؟

[Amanooo]

المشاركة الأصلية كتبت بواسطة روان* اوك وانا معاكي فين موقعهم

موقعهم في الخالدية على طريق الملك
وارسليلي معلوماتك عال خاص عشان اسجلك

[Amanooo]

المشاركة الأصلية كتبت بواسطة كسرة سكر وش اسم الدكتوره ؟

اسمها سارة بس والله معرف سارة ايش

[كسرة سكر]

بقولكم الكلام اللي اعرفه ههي اسمها ساره الخضير او الخضيري
بنت عمي تدربت الترم اللي فات عندها , مرهه مو كويسه
التدريب عندها نظري فقططط , يعني ماتشوفون حالات وكذاا
تجلس تشرح لكك ماده التدريب 1 اللي اخذناها
وفوقها تظلم بالدرجات
ماراح تستفيدون من التدريب اذا اسلوبها نظري بس
و انتو براحتكم