ايش الفرق بين قسم اداراة اعمال واداراة الموارد بشرية؟

[سجووكه]

السلاام عليكم

سوالي من اسم الموضوع

بلييييييز افيدوني ..

وابغا اعرف على كم اقل معدل يقبل دولا القسمين ..

وايش احسن فيهم وايش السبب ..

ارجو الرد جزاكم الله خير..

[battota]

اهلييين اختي ...

طبعا هالتخصصين دراستهم باللغه الانجليزيه

اداره الاعمال تخصص شامل يعني تاخدي مواد من الاداره وماده من الموارد البشريه وماده من التمويل زي كداا,,,,تكون عارفه كل شي حوليكي وتاخدي حاجات بسيطه عن التخصصات التانيه ,,,دراستوو فيها حاجات عملي وحاجات نظري

اداره الموارد البشريه ,,,تعرفي كل شي يخص التوظيف واختيار الموظفين وقانون العمل وتعرفي كل شي عن الموظفين /طبعا كل شركه او كل مكان بشكل عام يحتاج لهالتخصص,,, تخصص ممتع ونظري هوا ,,,

شوفي النسب ناسيه بس يمكن زي بعض ,,, يمكن 3.5


موفقه يارب

[girl.k.s.a]

أهلا وعليكم السلام ورحمة الله وبركاته

على وقتنا كآن إدارة الأعمال 3.75 وما فوق
و الموارد البشرية 4 وما فوق

وزي ما قالت العسولة بطوطة
الأعمال شامل من كل تخصص شي
من النظم والتمويل والموارد ...
أغلبو نظري طبعا ولابد تعملي مشروع في دا التخصص
لكن شي ممتع وحلو وما راح تندمي
+
الأفضل تشوفي إنتي ميولك فين ؟

وربي يكتب لك كل الخير