ماذا بعد ؟!!

[Mohammed AL-Qarni]

السلام عليكم ورحمة الله وبركاته
أسعد الله مساكم جميعاً ..
كالعادة وقت المذاكرة يطلع لنا أفكار غريبة ولكن هالمرة طلع معاي فكرة تستاهل الطرح والنقاش
الحمد لله احنا على بعد خطوة من نهاية السنة التحضيرية وقربنا نجني نتاج تعبنا بإذن الله تعالى
ولكن خطر على بالي سؤال وهو ( ماذا بعد ) ؟؟
الكل يفكر في الاختبارات والنتائج ولكن محد فكر ايش حيصير بعد كذا !
متى تطلع نتائج التسكين ؟؟
طلاب الطب نعرف لهم مقابلات شخصية , متى حتكون ؟؟
ماذا بعد المقابلة الشخصية ؟؟ وهل نتائجها تكون فورية وإذا الإجابة لا ف كيف راح تكون ؟؟


آسف عالاطالة ويا ليت نلاقي إجابات من ذوي الخبرة

[ReRe.H]

نتائج التسكين الاخ حسام الجهني كاتب انه
تطلع نهاية شعبان او بداية رمضان .. أما بالنسبة للمقابلة الشخصية
انا قريت ف منتدى الطب انه المقابلة الشخصية بعد ما تنقبل في الطب خلاص
وطبعاً الكل يجتازها مافي رسوب فيها او شي بس المهم تحضر
بإمكانك تدخل منتدى الطب وتتأكد وان شاء الله يأكدولك اللي عندهم خبرة اكثر مني ..
بالتوفيق للجميع ..

[fi9]

نتائج التسكين تكون في اخر رمضان
ومقابلة كلية الطب تكون اول يومين في الدراسة
ومافيها نجاح او رسوب. الحضور فقط يكفي
بالتوفيق

[moony123]

يعني ﻻ يمديك تسافر وﻻ تروح وﻻ شي
تجلس في جدة وبس
تخاف تسافر ومايجيك اللي تباه
والله حالة

[fi9]

المشاركة الأصلية كتبت بواسطة moony123 يعني ﻻ يمديك تسافر وﻻ تروح وﻻ شي تجلس في جدة وبس تخاف تسافر ومايجيك اللي تباه والله حالة

ليش ما يمديك تسافر ؟؟ الجامعة ماراح تطلب منك شي. بس تعال داوم بعد العيد وخلاص. لا يطلبو منك تجي ولا اوراق ولا شي

[rawan.aa]

بسم الله الرحمن الرحيم

اذا حابين نصيحة مني لا تشغلوا تفكيركم بالتسكين
ركزوا على الحاضر على الي تقدروا تعملوا دحين
التسكين يجي وقتو إن شاء الله تقعدوا طوول الإجازة تفكروا بيلو
بس دحين أعملوا الي عليكم ولمن تخلصوا اختبارات فكروا.
بس طبعا هادا ما يمنع إنكم تخططوا لمستقبلكم وكده..

الله يوفقنا يا رب وننقبل في أول رغبة.

[اتحادي منتظم]

المشاركة الأصلية كتبت بواسطة rawan.aa بسم الله الرحمن الرحيم اذا حابين نصيحة مني لا تشغلوا تفكيركم بالتسكين ركزوا على الحاضر على الي تقدروا تعملوا دحين التسكين يجي وقتو إن شاء الله تقعدوا طوول الإجازة تفكروا بيلو بس دحين أعملوا الي عليكم ولمن تخلصوا اختبارات فكروا. بس طبعا هادا ما يمنع إنكم تخططوا لمستقبلكم وكده.. الله يوفقنا يا رب وننقبل في أول رغبة.

+1

[m!ss-oudy]

[ مآذآ بعد ]
آن شاء الله تلآقو ثمرة مجهودكم وكل وآحد بتخصص بالكليه آلي حآبهآ

ومرحببآ مقدمآ بطلآب وطآلبآت كليتنآ :)

[Mohammed AL-Qarni]

مشكورين جميعا عالمرور والله يعطيكم العافية عالمعلومات
بصراحة الموضوع كله مسويه عشان اعرف اخطط للإجازة بس باسلوب غير مباشر بس الحمد لله فيه ناس تفكر مثلي

[Mohammed AL-Qarni]

لقيت معلومة قبل شوي بخصوص التسكين
العام الماضي طلعت نتائج التسكين بتاريخ 10 شعبان