مين أولى في القبول ؟

[وحيد هندسة]

السلام عليكم ورحمة الله وبركاتة

لو انا جايب النسبة الخاصة 81 والعامة 86
واحد ثاني جايب الخاصة 83 والعامة 84

مين أولى في القبول في الهندسة ؟

[abooody10]

اكيد الشخص الاول الانو نسبتو العامه او الموزونه اعلى وبالنسبه للخاصه هيا للترشيح فقط

[رهف عبدالعزيز]

الي جايب 86 الخاصه بس تدخلك المفاضله وبعدين يختارونك حسب نسبتك العامه

[R_D]

حتنقبل انت لانو النسبة الخاصة تكون لدخول المفاضلة فقط ....

و المفاضلة تتم بالنسبة العامة !!

[وحيد هندسة]

شكرًا يعطيكم ألف عافية

[لورد جدة]

شف ي قلبي الحين انت جبت ف الخاصه 80 خلاص بكذا خشيت المفاضله حلو
ومن ثم يأخذون ف المفاضله النسبه العامه

[no0ona.s]

ممكن سؤال لوسمحتو ايش الفرق بين النسبة الخاصة والعامة انا اعرف انو في نسبة موزونة وحدة بس

[عبدالعزيز الجابري]

المشاركة الأصلية كتبت بواسطة no0ona.s ممكن سؤال لوسمحتو ايش الفرق بين النسبة الخاصة والعامة انا اعرف انو في نسبة موزونة وحدة بس

بما ان السنه التحضيريه في جامعتنا الموقره شامله لكل التخصصات لابد من وجود نسب خاصه لبعض التخصص مثل الطب و الهندسه والحاسبات اما النسبه الموزونه العامه هذي مجموع درجات المواد ضرب عدد الساعات
وهذي الصوره تبين النسب الخاصه للتخصصات و طريقتهاااااا

اتمنى اني افدتك

[no0ona.s]

اهااا ايوة فهمت بس في حاجة بس بأسال عنها يعني دحين مثلا لمن يبو يقبلو تخصص طب اسنان النسبة الخاصة للكلية في مادة الاحياء اتوقع اقل شي بي بلس او a وذا انا جايبة اقل من الدرجة المطلوبة في هادي المادة وأحد مثلا جايب اعلى بس انا معدلي ونسبتي الموزونة اعلى مين يقبلو ؟ يعني قصدي يقبلو التخصص بالمعدل الأعلى ولا على حسب المواد ؟
؟

[عبدالعزيز الجابري]

المشاركة الأصلية كتبت بواسطة no0ona.s اهااا ايوة فهمت بس في حاجة بس بأسال عنها يعني دحين مثلا لمن يبو يقبلو تخصص طب اسنان النسبة الخاصة للكلية في مادة الاحياء اتوقع اقل شي بي بلس او a وذا انا جايبة اقل من الدرجة المطلوبة في هادي المادة وأحد مثلا جايب اعلى بس انا معدلي ونسبتي الموزونة اعلى مين يقبلو ؟ يعني قصدي يقبلو التخصص بالمعدل الأعلى ولا على حسب المواد ؟ ؟

شووفي ماده واحده ماتفرق اهم شيء تكون نسبتك الخاااصه فوق 85 حتى تدخلي المفاااضله اذا دخلتي المفاضله يبدا شغل النسبه الموزونه ويختاروا اعلى النسب الموزونه


النسبه الخاصه شغلتها تدخلكي المفاضله فقط او في حال وجود نسبتين موزونتين متساويات يتم الرجوع الى النسبه الخااصه