المتسكنات في كلية الآداب * تجمع *

[Razan Na7as]

السلام عليكم
الى الآن في 3 مواضيع تتكلم حول التخصصات لكل الكليات !
الكليات الأخرى اغلبهم اتخصصوا الا بنات كلية الآداب ، هنا نبا نجتمع ونتابع آخر الأخبار ..


اول حاجة : نبا الزبدة متى نروح الجامعة ؟
ومتى تفتح التخصصات في الأوديوس ؟


ثانياً عندي سؤال للبنات اللي حابين يتخصصوا إعلام .. بنات مانزلت كلية الاتصال والإعلام في الاوديوس فاخترت انا كلية الأداب
في السليم انا ؟


أرجوكم بنات حطوا آخر التحديثات هنا لا تخلونا نتشتت
وشكرا

[شـروق الزهراني <3]

أهــــــــــلا


بالنسبه لاختيارك كلية الاداب عشان الاعلام ايوة صحيح


واصلا باين انهم مابيفتحون كليه الاعلام هذي السنه احسهم باقي يتأخرون ، يعني الى الان هي من ضمن الاداب .. ،

اما بالنسبة للتخصص انا فالفيصلية فبروح بعد العيد ان شاء الله لو كآن مفتوح او بستنى عالاودس يمكن نلاقي خبر

بس من الرساله حقت الموقع باين اننـا لازم نروح افضل يعني لانه مكتوب كل طالب يروح لكليته اللي تسكن فيها ويكمل الاجراءات

[بدور.]

وعليكم السلام ورحمة الله

أولا : أنا رحت الجامعه اليوم بعد ما شفت الخبر الفظيع اللي نزل أمس
ورحت كلية الآداب وسألت وحده من الأستاذات وقالتلي إنو التخصصات رح تفتح في 6 شوآل
هذا بالنسبة لكلية الآداب ..

بالنسبة لكلية الاقتصاد والادارة : فـ صحبتي راحت سألت كمان اليوم وقالولها إنو التخصصات رح تكون عن طريق الأودس فقط
وتقول ما أعرف ليش حطولكم الإعلان هذا في الموقع لأنو كل شي صاير عن طريق النت !
يعني لو عندكم مشكله أو أي شي راجعونا .. لكن تتخصصوا من بيوتكم
ورح تطلعلكم أيقونة في الموقع نفسو تبين لكم إنو التخصصات فتحت .. بس ماني عارفه بالضبط فين رح نلاقي ذي الأيقونة

والحذف والإضافه كمان بيكون عن طريق النت وتقريبا قبل يومين من دوامكم .. يعني في 22 أو 23 شوال ..

وسؤالك الثاني ما أعرف أي شي عنو

وياليت كمان أي شي يستجد تحطوه هنا

[فطوم الحربي]

السلام عليكم ي اصحاب
بالنسبة للتخصيص قريت انو في 28 /9 رح يفتح في الاودس زي ما قالت بدور تطلع ايقونة ونختار منها التخصص ،،
كلو اليا من النت ، واول اسبوع لازم نروح ع الكليةة .. هادي الاشياء عرفتها بعد حوسه ><
الله يسهلها علينا .. بالتوفيق

[A_H]

الله يصبرنا عليهم بس

[ALFN]

ناس تقول 28 رمضان

وناس تقول 6 شوال

والمواد قالو قبل الدراسة وبعضهم قالو أول يوم ف الكلية نروح ننزلها


الله يعين و يبعد عننا الحيرة دي

[يابانية شمرية]

طيب أنا راح اتخصص ادب انكليزي..
احد يعرف شي عن اختبار القبول حق اللغات الاوربية متى يكون؟ t^t
والله مرة مفجوعة من يوم ما سمعت ان فيه اختبار قبول.. حبكت يعني على حظي بس اللغات الي يختبروهم >_<

[eaudemoiselle]

المشاركة الأصلية كتبت بواسطة يابانية شمرية طيب أنا راح اتخصص ادب انكليزي.. احد يعرف شي عن اختبار القبول حق اللغات الاوربية متى يكون؟ t^t والله مرة مفجوعة من يوم ما سمعت ان فيه اختبار قبول.. حبكت يعني على حظي بس اللغات الي يختبروهم >_<

لدخول اللغة الانجليزية شرطان:
1-درجة أعلى من تسعين أو خمسة و تسعين في مستويات اللغة الانجليزية (مش متأكدة من الدرجة بالضبط)
2-معدل أعلى من 4 و نصف

إذا اختل أحد الشرطين تسجلي في اختبار القبول و هو عبارة عن اختبار كتابي، تعبير يعني، و تقدري تسجلي اسمك في بداية الدراسة في الأسبوع الأول!

[يابانية شمرية]

المشاركة الأصلية كتبت بواسطة eaudemoiselle لدخول اللغة الانجليزية شرطان: 1-درجة أعلى من تسعين أو خمسة و تسعين في مستويات اللغة الانجليزية (مش متأكدة من الدرجة بالضبط) 2-معدل أعلى من 4 و نصف إذا اختل أحد الشرطين تسجلي في اختبار القبول و هو عبارة عن اختبار كتابي، تعبير يعني، و تقدري تسجلي اسمك في بداية الدراسة في الأسبوع الأول!

طيب انا معدلي بالضبط اربعة ونص
والانقليش على طول بديت من المستوى الثالث، بس أذكر جبت فيهم a, و+b
يعني تتوقعين احتاج الاختبار؟ *^*

[Razan Na7as]

طيب بنات لمن تفتح الأيقونة نزلوا لنا خبر هنا على طول .. كمان قولوا لنا فين نلاقي الأيقونة الجميلة دي 😆