استفسار عاجل اضافة وحذف

[عبدالرحمن الرياض]

السلام عليكم ورحمة الله وبركاته
من امس وانا احاول اضيف مواد وتطلع لي هالرسالة :

خطأ في المطلب الأساسي ودرجات الاختبار

تكفووون وش الحــــــــــــــــــل ؟؟؟

[هــلالـي]

هذي سلمك الله
الماده اللي تبي تضيفها لها متطلب
لازم تاخذه اول




وش الماده اللي تبي تضيفها انت..؟

[أبو عبودي2009]

نفس الحكاية أنا مع أني ناجح في المتطلبات

[عبدالرحمن الرياض]

المشاركة الأصلية كتبت بواسطة هــلالـي هذي سلمك الله الماده اللي تبي تضيفها لها متطلب لازم تاخذه اول وش الماده اللي تبي تضيفها انت..؟

الله يوفقك المواد :
pad 351 بحوث العمليات

pad 492 بحث وتدريب تنظيم وتطوير

تكفى وش السالفة الله يحفظك

مع العلم بانني تجاوزات المتطلبات
cs 100
و
stat 115
ولاتوجد في الخطة stat 130

[هــلالـي]

هلا بك عبدالرحمن
البحث والتدريب له متطلب
التخطيط الاستراتيجي هل اخذته..؟

[عبدالرحمن الرياض]

المشاركة الأصلية كتبت بواسطة هــلالـي هلا بك عبدالرحمن البحث والتدريب له متطلب التخطيط الاستراتيجي هل اخذته..؟

لا والله بس نزل لي هذا الترم

[هــلالـي]

المشاركة الأصلية كتبت بواسطة عبدالرحمن الرياض لا والله بس نزل لي هذا الترم

خذه هالترم علشان يفتح لك البحث والتدريب
ونصيحه لك
حاول تاخذ المواد اللي تفتح لك مواد ثانيه
لاتتوهق بآخر ترم

[fsoool85]

عندي نفس المشكلة مع انه ترم تخرج ما بقاالي الا بحوث عمليات وبحث وتجيني نفس الرساله وبرسل احد الاخوان يمر الجامعة يسجلها لي

الله يعين

[فيصل الشهري]

نفسكم اعتقد فيه مشكله بالنظام مع انني اجتزت جميع المتطلبات وباقي 15 ساعه بس ماتتقسم خلاص ابي اتخرج