رايكوم بجدولي

[r_k]

السلام عليكم ورحمه الله وبركاتوـآ


أتمنى تدوني رايكم بجدولي وكيف الموـآد مناسبه مع بعض ولا!!

وبليز الي عندوـآ خلفيه عن ماده يساعدني فيها سؤاء بملخصااات أو خبرتكم عنها

وكيف الأستادااات كويساات

بحوث عمليات مع أمل تركستانـــي

اداره أستراتيجيه مع ساميه مقبل

أداره أعمال في ثقافات متعدده مع هند يوسف بكر

تخطيط وتنمية موارد بشريه مع سلافة فؤاد فيومي


وربناا يديكوم ألف عافيه

[Mezo2211]

أنا معاكي في تخطيط وتنمية موارد بشريه مع سلافه فيومي وأنا عندي مع أمل تركستاني دراسات أداريه معاصره مره يمدحوها أما إدارة استراتيجيه كانت عندي بس لمن نزلتلي مع ساميه مقبول على طول حذفتها لأنهم مره مايمدحوها الاستاده وبس

[7oriah_ksa]

المشاركة الأصلية كتبت بواسطة r_k السلام عليكم ورحمه الله وبركاتوـآ أتمنى تدوني رايكم بجدولي وكيف الموـآد مناسبه مع بعض ولا!! وبليز الي عندوـآ خلفيه عن ماده يساعدني فيها سؤاء بملخصااات أو خبرتكم عنها وكيف الأستادااات كويساات بحوث عمليات مع أمل تركستانـــي اداره أستراتيجيه مع ساميه مقبل أداره أعمال في ثقافات متعدده مع هند يوسف بكر تخطيط وتنمية موارد بشريه مع سلافة فؤاد فيومي وربناا يديكوم ألف عافيه

امل تركستاني ممتازة مررررررررررررة وانا اخذت معاها بحوث عمليات وكانت درجتي الحمدلله امتياز
شوفي صراحة سامية مقبل ابعدي عنها قدر المستطاع ومادة ادارة استراتيجية يبغالها تركيييييز كلامه كثير
ادارة اعمال في ثقافات متعددة هالمادة من امتع المواد اللي اخذتها بس هند يوسف اول مرة اسمع فيها
المادة الاخيرة موارد بشرية مش من ضمن خطتي فما اعرف عنها شي..

[r_k]

يعني أحدف أداره أستراتيجيه



أصلا ماافي شعب كولها مقفلها مالقيت الا ساميه



طيب أيش أحسن ماده تنصحيني فيهااا

[bnoona]

امل تركستاني جدااا رائعة اخذت معاها نفس الماده ...
ادارة استراتيجية دسسسمه وابدا ما انصحك مع ساميه شوفي شعبه ثانيه ..
ادارة اعمال حلوة الماده اخذتهامع ريم مشاط ..هند بكر اول مره اسمع عنها

[7oriah_ksa]

المشاركة الأصلية كتبت بواسطة r_k يعني أحدف أداره أستراتيجيه أصلا ماافي شعب كولها مقفلها مالقيت الا ساميه طيب أيش أحسن ماده تنصحيني فيهااا

انا قسم ادارة اعمال دولية ما اعرف عن مواد موارد بشرية بس مثلنا تقريبا
انتي مثلا شوفي لو تقدري تاخذي منظمة التجارة العالمي لأن هالترم خديجة
ضباب واسئلتها مررررررررة حلووووة بس من جد انسي سامية واتأكدي لو منظمة
التجارة من ضمن المواد الاساسية عندكم بالموارد البشرية..

[r_k]

المشاركة الأصلية كتبت بواسطة 7oriah_ksa انا قسم ادارة اعمال دولية ما اعرف عن مواد موارد بشرية بس مثلنا تقريبا انتي مثلا شوفي لو تقدري تاخذي منظمة التجارة العالمي لأن هالترم خديجة ضباب واسئلتها مررررررررة حلووووة بس من جد انسي سامية واتأكدي لو منظمة التجارة من ضمن المواد الاساسية عندكم بالموارد البشرية..

للأسف ديا الماده مو من ضمممن الخطه

حسبي الله أدا كااانت الشعب كولها مقفله أيش نسووي يعني

[r_k]

المشاركة الأصلية كتبت بواسطة bnoona امل تركستاني جدااا رائعة اخذت معاها نفس الماده ... ادارة استراتيجية دسسسمه وابدا ما انصحك مع ساميه شوفي شعبه ثانيه .. ادارة اعمال حلوة الماده اخذتهامع ريم مشاط ..هند بكر اول مره اسمع عنها

حتى أنا أوول مرـآ أسمع عن هند بكر بس ماافي الا شعبتها الي مفتووحه :(

[7oriah_ksa]

المشاركة الأصلية كتبت بواسطة r_k للأسف ديا الماده مو من ضمممن الخطه حسبي الله أدا كااانت الشعب كولها مقفله أيش نسووي يعني

ايش هي اللي من ضمن الخطة تقصدي منظمة التجارة اذا هي توكلي وخذيها
واذا الشعب مقفلة فهي يا اما تعارض مع جدولك أو لأنها مليانة يصير كل شوي
شيكي يمكن بنت تحذف المادة وتكوني مكانها..

[D E E M]

هلا حبيبتي

بحوث عمليات مع امل اخذتها قبل سنه اظن
انسانه جدا رااااائعه الماده معاها سهله
و الماده اصلا سهله بس ركزي فيها يا عسل

ادرره استراتيجيه اخذتها برضوا مع ساميه مقبل
انا مدري و الله ليش الناس بيذموها لان اصلا مو مذكره اسلوبها
بس اللي اذكره ان الماده دسمه شوي و يبالها مذاكره من بدري
و الاسئله كانت لطيفه نوعا ما


اداره اعمال ثقافات متعدده و الله مو مذكره اخذتها مع مين
<= محسوبتك نسااااايه كثيييير :$
المهم حبيبتي الماده خفيفه و لطيفه لا تشيلي همها


نفس الشي للتخطيط ماده حلوه بس دسمه


حبيبتي انا ما انصحك تحذفي شي
بالعكس خذيها لو تقدري تاخذي عنها بديل اوك بدليها بماده
لو ما تقدري خلي موادك زي ما هي لا تحذفي شي
اول شي المواد سهله و مع المذاكره رح تشوفي كذا
ساميه مقبل ممكن اسلوبها يكون مو حلو مدري و الله لان ما حضرت لها شي
بس مادتي كانت عندها و اسئلتها لطيفه ،
ممكن الاستاذه ما تناسب غيرك بس انتي تشوفيها كويسه

انتي عشان ما تقلقي جهزي موادك من بدري
خلصي من ادارة العمليات لانها ماده تحتاج تركيز جدا
و الباقي بالدور

شدي حيلك و الله يوفقك