مهارات الإتصال ... ((( وشئ ضاق صدري منه )))

[مهدي الساهر]

مساء الخير للجميع

قبل شوي أنتهينا من إختبار التحليل الإحصائي

وراضي عن حلي والحمد لله ..

وهنا أوجه شكر خاص جدا بإسمي وبإسم كل أعضاء المنتدى للأخت ( زهرة تشرين )

كان لها مجهود جبار في الماده بشكل خرافي

الله يكتب في موازين حسناتها يارب ..

بس طلعت من الإختبار وصدري ضايق من شخص جلس جنبي في نهاية الإمتحان
أزعجني كان يبي أغششه ..
بالله فيه عقليات بالشكل هذا مازالت موجوده بينا .؟؟؟؟
بصراحه .. يالله أني تحملته .. تعوذت من إبليس ومنه وسلمت أوراقي .. ولو بيدي .. كان صار شئ ثاني .
أنا خريج من كلية المجتمع بالدمام تخصص محاسبه التابعه للبترول والمعادن ..
أول مره أشوف شخص بالشكل المعتوه اللي شفته اليوم ..

المهم ... ياليت اللي عنده خبر عن مادة (((( مهارات الإتصال )))

ملخصات أو أسئله أو شئ محذوف ينزله هنا مشكور ...

تحياتي

[AIMOO]

ياخي من هبال الاسئلة اللي جت

[thamer2002]

الاشكال هذي صدقني كثيره انا صارت لي سالفه زيك باختبار التحليل الاحصائي اليوم
تخيل المراقبين يوزعون الاوراق بطريقة كل واحد يعطي الطالب اللي وراه واللي جنبي جا اخذ نفس نموذجي
وقال غششني حتى بطريقه غير مؤدبه كنه اجبار وصرنا جنب بعض نموذجين نفس بعض ولك عاد تتخيل موقفي ويبيني اغششه بااي طريقه فيه مراقب والا مافيه والله اني خفت احد ينتبه لنا بس الحمدلله عدت على خير والله يهديه

اكرر نفس طلب الاخ نبي ملخصات مهارات الاتصال والمحذوف والاسئله اذا تكرمتم

تحياتي لكم

[بااتك]

والله التحليل الأحصائي عسا الله يفكنا شره بس .. أحس أني ماحليت كويس لكن قدر الله وماشاء فعل ...

أنت الي جنبك غثك يبيك تغششه أن واحد جنبي قسم بالله بغيت أنحاش ياخي عليه ريحة حلق والله لو أنك لابس كمام انه ماينفعك .. مدري ليه مايغسل أسنانه علشان مايتضايقون منه الناس ,,, والي زاد الطين بله ان كراسي القاعه جنب بعض يعني مايمديك توخر ولا تبعد .... أن شاء الله أنه يقرا هالسطور هذي علشان ينتبه لنفسه أن تحملته اليوم بس بكره ماحد بمتحمله


المهم نجي للمهارات الأتصال أن شاء الله الأخوان يحددون أذا فيه شي محذوف أو ملخصات مهمه


نتمنى التوفيق للجميع

[ail11]

طيب غششوهم ليه ماتغششوهم يمكن مشغولين مذاكرو او متزوجين خذو فيهم اجر ليه انت انانيين

هو دافع فلوس

اتمني تتعاونون

[AIMOO]

المحذوف هووونيا
http://www.skaau.com/vb/showthread.php?t=70084

[ع ن]

المشاركة الأصلية كتبت بواسطة ail11 طيب غششوهم ليه ماتغششوهم يمكن مشغولين مذاكرو او متزوجين خذو فيهم اجر ليه انت انانيين هو دافع فلوس اتمني تتعاونون

الحين مو عيب عليك تطلب من احد يغششك ..

ياأخي من غير ماتطلب .. انت بس ثبت راسك على زاويه 120 درجه
وخلي الباقي على عينك .. وبكذا انت ماتزعج احد.


... ولا تنسونا من ملخصات مهارات الاتصال

[thamir to.to]

الله يعينك اخوي بصراحه في ناس يرمون وجيهم يعني بالادب وبدون مايكلمك او يزعجك ماشي بس في ناس يقط وجهه بصراحه ماله داعي

[شذو]

ههههههههههههههه انا نفس الشي جات وحده قدامي


سالتني وهم يوزعون الاوراق مذاكره؟؟


طبعا انا عن حسن نيه على بالي بتقول صعب والا سهل..قلت لها ايه


قالت اجل غششيني


خخخخخخ والله ماتستحي
طيب على الاقل تعطي مقدمات
تسلم الاول والااي حاجه بس موبهالطريقه


بس والله ماعطيتها وجه عساني احل بروحي
من غير ما اوجع راسي واغشش احد

[giorgio-armani]

طيب يالغالي والي عنده مذكره شلون يعرف المحذوف

لأنك حاط ارقام صفحات الكتاب ولا ادري وينها في المذكره :(