اللي يرسب وش الحل معاه

[السيف السعودي]

السلام عليكم جميعا

بما ان تاريخي اسود بالدراسه من ايام ما كنت البس ملابس رياضه اسود واحمر تحت الثوب الابيض واسوي نفسي كشخه ( رابع ابتدائي ) ابي اعرف الله يرضى عليكم الحين اللي يرسب بماده او يعني مثلا ثلاث مواد ( موب انا ابدا ) وش الحل معاه ؟

انا سالت واحد من اللي يشرفون علينا بعد اختباراتنا اللي بالرياض يقول انك تاخذها صيفي مجانا واختبارك يكون بجده
طيب الحين اللي يرسب بالصيفي وش يسوي ؟
يقضبونه الباب ؟

المشكله اني معلم حارتنا كلها وولد عمي اللصقه البثر احمد اني ابصير جامعي ان شاء الله
واخرتها يقضبوني الباب ؟

وربي لا اجلس قرن كامل بس اسوي عشيات عشان اسكت الناس وارجع الشخصيه الاولى

ياليت اللي يعرف بقوانين الجامعه يعلمنا وش اللي يصير بالظبط
وربي مليت من كثر القيل والقال

نبي شي رسمي الله يرضى عليكم

[G.i]

ههههههههههههههههههههههههههههههههههه شكل احمد اللصقه خوي نكبه ههههههههههههه :)

[مشعل أبوتركي]

أكلتهـا مافيـه مجـال لشـك بكره بالحاره ينادونك (يالسـاقط يالساقط)


ويطردونك من فريق الحاره حتى حارس مايقبلونك


بس الحل سهل

الاغتراب

نعم الاغتراب انتقل الى مدينه ثانيه وغير اسمك مثلا أسم (جون)


اتحدى ان عرفوك










دعابه دعابه


بالنسبه لساعات يقولون لازم تجيب 12 ساعه بالسنه والانجليزي لو رسبت فيه الفصل الاول اللي هو 101 ورسبت فيه الفصـل الثاني


فيه طريقين الاول الطرد

الثاني فيه لجنه مشكله الحين يدرسون حالتنا ويقولون احتمال يسمحون لطلاب السنه التحصيريه يدرسون ترم صيفي



اذا سمحوا تدرس 101 بالترم الصيفي و102 في بداية السنه الجديده

[الصامل]

وانا اخوك اليوم جاينا عميد التسجيل والقبول بجامعة الملك عبدالعزيز بالدمام

وماقصروا وقال اي شي تبونه اول ماتطلعون من الاختبار انا بالصاله انتظركم

والله وسألناه اسأله من ظمنها تساؤلك


يقول مافيه الى الان ترم صيفي للتحضيري ولو نزل اي شي راح تلقونها بالاودوس يعني خذ الزبده اي شي تبيه بالاودوس

ومن ناحية السقوط ياخي انت اجتهد ولا تفكر انهم بيطردونك ولا عليك اهم شي شد على حيلك ولاتفكر

وربي لو كل شوي فكرت انهم يطردونك مافلحت

ياخي تراي مانيب احسن منك يعني كلنا سوى ندرس عشان نجيب الشهاده موب مزاعط وخرابيط

ترانا ندفع فلوس وانت حط في راسك الشهاده والله لو تجيبها في 6 سنوات 8 سنوات لاتفكر بشي


من ناحية الطرد مايطردونك اهم شي اللي تعرفه انك لازم تخلص اي مواد السنه التحضيري في السمستر الثالث

ياخي لاتياس ولا عليك من احد وراح ترفع راسك عند هاللصقه ماعليك هههه



الله يوفقك وانا اخوك وتجيب المعدلات الزينه لاتخاف وخذها مني تراها موووووووووووويه


راح اذكرك لما تاخذ الشهاده وبتقول يالله ياعجل الايام راحت

[رسمي]

انت تقول
نبي شي رسمي الله يرضى عليكم

رجاءً لا تنتحل اسمي .. هههههه

والله يا انا ضحكت بشكل مفزع .. قعدت اتخيلك مع الأقنعة اللي عايش فيها ههه .. بيني وبينك خلك كتوم حتى لو قدر الله والله لايقوله حملت مادة او 2 أو 3 لا تعلم أحد وقل لااااا الحمد لله اوكي لأن مافيه فايده أحد يعرف وعن نفسي لحد الآن محد عرف كم معدلي اللي يسألني أقول الحمد لله نعمه من ربي مع انه متواضع مره مره لكن اشوف انه ضغط نفسي على غير فايده .. بس فكرة الإغتراب حلوة عشان يقولون سنة الطرده من الجامعه وتصير تاريخ يعتمدون عليه في حارتكم ..
تحياتي للجميع وإن شاء الله انت يالشمري أول الناجحين وبامتياز ..

[المنتسب الجديد]

حرب الخليج اقرب لك من آخر سنة دراسية كذا اتصور

عالعموم امورك كلها :

أ/ تنقل من الحارة ، ب/ تزاعل أحمد ، ج / تشد حيلك ، د/ أ و ب

<< متأثر من الاختبارات

الله واكبر عاد يااكسفورد كلها جامعة سعودية وانتساب انا من شفت توزيعهم لكراتين الماء حسيت اني بمركز صيفي

فرفشتنا يالغالي وتصبحون على خير

[مهراس]

شباب ارحمونا .. قطعتوا بطني من الضحك قاعد لوحدي بالغرفه واضحك بصوت عالي اللي يشوفني يقول هذ ا موصاحي
عالعموم بالنسبه لموضوعك اخوي السيف السعودي.. لاتخلي فكرت الياس هاذي تأثر عليك في مابقي من الاختبارشد حييلك في مابقي من المواد ,, وخليك متفائل شوي ولكل حادث حديث,,
اتمنى لك التوفيق.

[@ابوسديم@]

الحال من بعضها ؟؟؟؟؟؟يعني في الترم تدفع(3000)ريال للجامعة؟؟و(1000)ريال للعالمية؟؟و(1200)ريال لمدرس مواد الاحصاء..و(1000)ريال لمدرس الانجليزي..وغير فلوس الكتب والملخصات::::يعني فالترم(7000)ريال؟؟الحل ؟؟؟(نقبل فرض العدمh0..ونرفض الفرض البديلh1؟؟؟ثم نكشف (z)بكشف حساب مختصر..ونعمل تفكير ناقد للحالة...ثم نتاكد ان ماعندنا اي(تفكير ابداعي)وتتصل (باحمد)اتصال غير كلامي(بصفعة على خده),,,,

[مشعل أبوتركي]

المشاركة الأصلية كتبت بواسطة @ابوسديم@ (بصفعة على خده),,,,

خطأ


صـافعه على وجهه

ولك وجه بعد تقول اتصال غير كلامي






هذه لغة الجسـد



الاتصال غير الكلامي تشر له أو تشرحه له بدون كلام

[الشمري9999]

ارفع راسك انت انشاءالله من اول الناجحين ومن الاوائل بالتوفيق ياولد شمر والجميع