طلب الانتساب ابيكم في كلمة راس ؟؟

[الظبياني]

بسم الله الرحمن الرحيم

اولاً احييكم تحية الاسلام السلام عليكم ورحمة الله وبركاته :

بصراحة اليوم الخميس في اخر اختبار لمادة الثقافة الاسلامية اكثر الطلاب كانوا زعلانيين مرررة وكان المادة في الهندسة او الطب وليس في مادة تهتم في امورنا فمصيبة ان الواحد مننا لا يعرف العقيدة او الثقافة الاسلامية او امور العبادة او اركان الاسلام والايمان والمصيبة الاعظم ان احد الطلبة يسالني بعد الاختبار على من نزل كتاب التورة من الرسل لهذه الدرجة نفتقر لاهم شي في حياتنا وهو الدين وعندما سالت احد الشباب هناك هل تعرف الفرق بين فرض عين وفرض كفاية استغرب وقال سؤال صعب مرررررررررررة بحاول ابحث عن اجابته والمشكلة ان الاختبار كله اختيارات يعني طالب في سادسة ابتدائي يجاوب عليه وليس طالب في الثانوية او الجامعة هذا اولاً

ثانياً والمهم واتمنى من يقراء الموضوع ان يجاوب بكل صراحة هل صحيح ان اكثر الطلبة لا يعرفون الله سبحانه وتعالى الا وقت الاختبارات وخاصة الصلاوات المفروضة الخمس ... يعني الواحد ما يهتم في صلاته الا وقت الحاجة من الله سبحانه وتعالى وهل يعلم انه استهزاء بالدين وكانه سيارة وقت ما يبغى يقضي مصلحته منها وبعدها يرجعها مكانها ولكن انت تتعامل مع الخالق عز وجل هل تتوقع انك اذا تركت صلاتك الواجبة عليك ولا تصليها الا وقت الاختبارات ان الله راح يوفقك هل تضحك على نفسك ام تضحك على الله سبحانه وتعالى يا اخوان انا والعياذ بالله من كلمة انا لست انسان كامل والكمال لله صحيح نحن شباب وفينا عيوب كثيرة لكن الا الاستهتار في الصلاة ...

[بنت غامد707]

اخوي بصراحة الاختبار كان صعب وصوبته تكمن في صياغة السوال في الاخربطة يعني جميع ماسبق لاشي مماسبق اب ب ج كذة اكيد كلنا نعرف الله بس احنا محنا بعلماء في الثقافة الاسلامية لا حنا معلومتنا على ماقرينا ماتعلمنا في المدرس في بيوت اهلينا وصدقني المنهج يحتوي على معلومات جديد كان المفروض يرعون الشي هذا اما موضوع الصلاة فنقول الله يهديهم

[الظبياني]

المشاركة الأصلية كتبت بواسطة بنت غامد707 اخوي بصراحة الاختبار كان صعب وصوبته تكمن في صياغة السوال في الاخربطة يعني جميع ماسبق لاشي مماسبق اب ب ج كذة اكيد كلنا نعرف الله بس احنا محنا بعلماء في الثقافة الاسلامية لا حنا معلومتنا على ماقرينا ماتعلمنا في المدرس في بيوت اهلينا وصدقني المنهج يحتوي على معلومات جديد كان المفروض يرعون الشي هذا اما موضوع الصلاة فنقول الله يهديهم

اختي الكريمة والله ما فتحت الكتاب الا في يوم الاختبار اكثر من 300 صفحة قراتها في 4 او 5 ساعات تقريباً حتى اتذكر فقط ما درسته طول حياتي سوا في الدراسة او الخبرة العمليه او النظرية من الاحتكاك مع المجتمع ومعرفة الصح من الخطاء ورغم صغر سني ولكن تبقى مسالة الامور الدينية هي الاسهل في اعتقادي ولكن لو انك قراتي الكتاب بقلبك كان جاوبتي على جمعي الاسئلة بدون صعوبة ولا زلت استغرب نسبة الرسوب في مادة الثقافة الاسلامية ...

[بنت غامد707]

ياخي الكريم انتة متمكن من الثقافة الاسلامية والله انك محظوظ ولكن لو كلنا زيك كان الامة فيها خير صدقني التوتر وحجم الكتاب وضيق الوقت ماسمح انا نتمعن في الكتاب وهذا الي ضيعنا

[| •_• | ḎồỢốḏξ]

الاسئله بصرآحــه مو وآضحه ..

ومن نـآحيه الصلاه الحمدلله نعرف الله بكل وقت ..~

والله يهدي الجميع ..

[بنت غامد707]

الظبياني اخوي لو سمحت طلب ممكن اي سوال تذكرة تحطة في اسلة الثقافة اكون شاكرة لك

[نبض الخفوق]

جزاك الله خير على التنبيه والنصيحه من ناحية الصلاة

ومن ناحية الثقافه صدقني ما يحملها الا انسان مش مذاكر او مستهتر بالمادهـ

استفدت من المنهج كثير رغم اني ما قريت الكتاب بالكامل

ولا بديت في القراءه الا ليلة الاربعاء وما قدرت اخلص المنهج

لكن ظمنت درجة لا تقل عن 90 بفضل الله

اطيب امنياتي

[فهد العنزان]

لا حول ولا قوة الا بالله واستغفر الله

[الظبياني]

المشاركة الأصلية كتبت بواسطة | •_• | ḎồỢốḏξ الاسئله بصرآحــه مو وآضحه .. ومن نـآحيه الصلاه الحمدلله نعرف الله بكل وقت ..~ والله يهدي الجميع ..

ممكن في اربعة اسئلة فقط لا اكثر كانت يبغالها تركيز اما البقية فتحتاج مذاكرة فقط او قراءة الكتاب مرة او مرتين حسب فهم الواحد ...

[غازي الغربي]

اخوي الظبياني

مساك الله بالخير اولا

وثانيا اخوي اذا صرت انت ملم بالمادة نفسها لاتحكم على الناس بانهم غير فاهمين في امور دينهم لان ولله الحمد الي يبي الجنه وقتها مو وقت الاختبارات

الي مايبي الجنه مارده على النار

اخوي الاختبار ماجاء على ان الواحد فاهم دين ولا مضيعه

الاختبار جايبه ابو الشباب على انها تعجيزية

ياخي هو عجزان لايجيب اذكر انواع الايمان ولا تعريف العبادة او على النحو هذا ..

اخوي الضبياني فيه ناس ماتعرف الصلاة ولا تركعها وتنجح هل هذا يعني ملم بامور الدين

لا ياخي الدين مو مقياس على اختبار ماده في الثقافه ولاعن اي شي يختص بالاختبارات

انا من وجهة نظري ان الاختبار جاء بصورة تعجيزية وان اغلب الاخوان اكرهوو الماده وهذاا شي غلط

لان المفروض نقراء في الكتب هذي او الكتب التي تخص الاسلام في اغلب الاوقات وقبلها القران

اخوي الظبياني الاختبار جاء مو على ان الي يختبرون مسلمين الاختبار جاء على اننا ندرس

ولو تلاحظ اغلب الاسئلة تحس ان ابو الشباب جايبها بصورة تشل المخ لبعض من الدقائق

لذا اخوي ارجوو انك تكون فاهمني والاختلاف لايفسد للود قضيه

والله يوفقنا ويوفق جميع المسلمين للامتحان الحقيقي وليس الامتحانات التعسفية التي لها مآرب مقصودة

تقبل سلامي