اليوم رحت الجامعة لاضافة المواد الحرة والبحث والتدريب ،، واللي صار معايا

[Abrar88]

السلام عليكم ورحمة الله وبركاته
طبعا رحت اليوم على اساس انو دخول طالبات الانتساب بس يومي الاثنين والاربعاء لاضافة المواد الي ماتنضاف من الاودس بعد مااضفت مادة اختيارية ومادة اساسية من الاودس ،، رحت الساعة 9:25 ودخلت من بوابة شمالية وكان رد موظفات الامن الانتساب دخولهم وخروجهم من غربية 2 وبالقوة رضيت تدخلني بعد ماقلتلها بس دي المرة عشان السواق مايعرف غربية 2 ورحت لعبير عسيري في كلية الاقتصاد والادارة عشان اضيف المواد بكل بساطة تقولي لسا مافي اضافة وحذف لانو في تعديلات عالجداول والمواد قلتلها طيب انا اضفت مواد من الاودس قالتلي هيا والي جنبها بصوت واحد حتنحذفلك واي طالبة ضافت مواد دحين حتنحذف ليها وسألتها عن موعد الاضافة قالتلي مكتوب عالباب 4/4/1435 وسألتها عن المواد الحرة من اي قسم اقدر اخدها قالت فقط من ادارة اعمال.. وخرجت من عندها وفتحت الاودس ولقيت بالفعل انحذفت المواد الي اضفتها .. وبعدين لقيت انو يوم 4/4 يوافق يوم الثلاثاء وهدا اليوم احنا ممنوعين ندخل في الجامعة ..المهم وانا خارجة من البوابة كانت الساعة 9:40 الا تقولي موظفة الامن الخروج الساعة 10 مو قبل تفتح البوابة قلتلها انا انتساب ودوبي من شوية دخلت بس اضيف مادة وسيارتي تستنى برا قالتلي مو مشكلتي اقعدي استني الين 10 كلها شويتين وقعدت واستنيت الذل دا كلو وسألتها وسارت الساعة 10 وانا خارجة سألتها انو اقدر اجي يوم الثلث قالتلي حتضربي مشوار عالفاضي محا يدخلوكي غير الاثنين والربوع وقلتلها الموعد دا الكلية محددتو قالتلي ابدا مررة مشددين على دخولكم في غير دي اليومين وهدا كل الي سار معايا بالتفصيل ومااقول غير حسبي الله ونعم الوكيل عالجامعة دي وتحقيرهم وذلهم لنا احنا الانتساب من جد حرقو دمي

[العمر فاني ورضاك راس مالي]

الله يعينك صار لي نفس ماصار لك

وعبير عسيري دي لو يوكلوني عليها

افصلها من مكانها..وماقول غير حسبنا الله ونعم الوكيل فيهم اللي مايخافون ربهم..

[Reeman.sh]

يعطيكي العافيه يا ابرار على الاخبار و مانقول الا ما ضاقت الا و فرجت و ان اشء الله نتخرج و نفتك من الجامعه

[sun2011]

يعني اضافة المواد الحرة والبحث من الجامعة يوم 4/4

[سالي ال]

صباح الخير بنات الله يسعدكم ماتدروا متى اختبار البديل

[asd997]

حسب مافهمت انه من بعد تاريخ 4 / 4 / 1435هـ مسموح لكم بالدخول بس اهم شي يكون يوم ( الاثنين _ الاربعاء )

[Abrar88]

المشاركة الأصلية كتبت بواسطة asd997 حسب مافهمت انه من بعد تاريخ 4 / 4 / 1435هـ مسموح لكم بالدخول بس اهم شي يكون يوم ( الاثنين _ الاربعاء )

حتى قبل هذا التاريخ مسموح بدخولنا الجامعة يومي الاثنين والاربعاء فقط
ولكن الحذف والاضافة تبدأ يوم 4/4

[الكنكورد]

الله يكون بعونكم يالبنات من جد بهذلة... الحريم ما ادري ليه تعاملهم كذا مو في الجامعة بس في كل مجال . ما ادري نظامية زايدة ولادباشة
اجل كيف اللي يجون من خارج جدة .
المفروض يقدرون وضعكم
الله يخارجنا من هالجامعة على خير

[asd997]

المشاركة الأصلية كتبت بواسطة abrar88 حتى قبل هذا التاريخ مسموح بدخولنا الجامعة يومي الاثنين والاربعاء فقط ولكن الحذف والاضافة تبدأ يوم 4/4

انا اتكلم عن الاستفادة من موضوع الحذف والاضافة يكون من بعد تاريخ 4 / 4 / 1435هـ

[aahmedb]

يمكن يوم 4/4 تقدروا تخلصوا اموركم كلها من الاودس وما يحتاج تراجعوهم، اهم شئ افتحوا كل شويا الاودس لان شعب البحث والتدريب تفتح وتقفل وتتعبى في ثواني من خلال تجربتي.