هل كتاب الفيزياء ضروري ؟

[Justice Grey]

أبغا أبدأ أذاكر فيزياء بس الكتاب فجع قلبي هههههههه من أول بحاول فيه بس مهو راضي يدخل راسي .. نفسيا شكله مرعب و دش
هل الكتاب ضروري ? .. ولا يكفي ملخصات هناء فرحان و يوسف زويل و فديوهاته و نماذج سابقة ؟
وكمان عندي سؤال صغير..
من ناحية النظري زي المصطلحات و الملاحظات..من فين أذاكرها ؟ من السلايدات حقت الأستاذة ؟ لأنو فتحت الكتاب والتعاريف ملخبطة شوية خصوصا انو حقي نسخة مصورة فمو واضح..بس كنت بستفهم لأنو دايما أكون حالة تمام في المسائل و وأغلط في الأسئلة النظرية زي المصطلحات وكده..
وشكرا :)

[smiley14]

عن نفسي كنت اذاكر من الكتاب + ملخصات هناء و اشرف بركات + فيديوهات زويل و الحمدالله جبت a+
بس الكتاب مو كل شيء معانا في الصفحه ما كان مخططت الا كلمتين و القوانين طبعا و الامثله الي يحلوها معانا في الكلاس بس هذا الي تاخذيه من الكتاب
و الصراحه المسائل الي تجيني في الاختبار افكارها زي ملخصات الاستاذه اكثر من حقت الكتاب فا اطلعي على الكتاب و ذاكري الملخصات كويس

[Justice Grey]

المشاركة الأصلية كتبت بواسطة smiley14 عن نفسي كنت اذاكر من الكتاب + ملخصات هناء و اشرف بركات + فيديوهات زويل و الحمدالله جبت a+ بس الكتاب مو كل شيء معانا في الصفحه ما كان مخططت الا كلمتين و القوانين طبعا و الامثله الي يحلوها معانا في الكلاس بس هذا الي تاخذيه من الكتاب و الصراحه المسائل الي تجيني في الاختبار افكارها زي ملخصات الاستاذه اكثر من حقت الكتاب فا اطلعي على الكتاب و ذاكري الملخصات كويس

شكرا أختي

[Somaiah Yousef]

شوفي آنآ شخصيا م اشتريت الكتاب من أساسو ,, وحتى البنات اللي اشتروه م افتكر انهم فتحوه

مذاكرة الفيزيآ لو إنتي فاهمة روحي لملخصآت هناء فرحان ذاكريهآ ,, والسلايدات قراءة

السامبل بروبلمز لا تطالعي فيهآ

لو ماكنتي فاهمة تقدري تشوفي فيديوهات يوسف زويل آول

بعدين حلي تست بانك هناء فرحان

وختاما اسئلة السنوات السابقة

[رفّات حُلم]

جبت فل مارك الحمدلله
صراحةً،
أنا اعتمدت ع فيديوهات زويل، مُلخصاته ال pdf " موجودة في النت " !
ومُلخصات هناء فرحان " موقعها ، ع الجنب فيزياء 110 المسار العلمي، بعدين ملخصات المسار العلمي ، هذي اللي كويسة .. اللي محطوطة أول ما تفتحي موقعها مو كويسة "
و أسئلة هناء فرحان " موجودة في خوارزم، أو المكتبة العامة "
الكتاب بس طالعت فيه في شي واحد؛
قبل الدوري بفترة أخلص فيديوهات زويل، لأنها مرة طويلة!
وملخصاته كُنت أطبع الجزء اللي فيه الملخص أما التمارين أحلها مع الفيديوهات عشان أراجع الملخص .
ومُلخصات هناء فرحان ما أطالع فيها إلا قبل الاختبار.
مع أسئلة السامبل بروبلم اللي تحلها معانا د/ سناء أباظه
ويوم الاختبار الصباح كنت أحل تمارين اللي هي " أسئلة هناء فرحان "
وأما السكشن مرة ما كُنت أحلها ولا أزاكرها للاختبار
بس كُنت احضر لمها دفتردار، ممتازة مرة.
كانت تشرح كأنها محاضرة؛ وما كنت أحل في البيت.. أفهم وأحل معاها وخلاص ما أرجع أفتحه
الله يسعدها يارب

[Doaa66]

أنا بالفيزياء مااعتمدت غير شيئين فقط كنت افهم من فديوهات يوسف زويل و ألخص أهم النقاط و أحل ملخصات أشرف بركات فقط لاغير وجبت a+

[Justice Grey]

المشاركة الأصلية كتبت بواسطة رفّات حُلم جبت فل مارك الحمدلله صراحةً، أنا اعتمدت ع فيديوهات زويل، مُلخصاته ال pdf " موجودة في النت " ! ومُلخصات هناء فرحان " موقعها ، ع الجنب فيزياء 110 المسار العلمي، بعدين ملخصات المسار العلمي ، هذي اللي كويسة .. اللي محطوطة أول ما تفتحي موقعها مو كويسة " و أسئلة هناء فرحان " موجودة في خوارزم، أو المكتبة العامة " الكتاب بس طالعت فيه في شي واحد؛ قبل الدوري بفترة أخلص فيديوهات زويل، لأنها مرة طويلة! وملخصاته كُنت أطبع الجزء اللي فيه الملخص أما التمارين أحلها مع الفيديوهات عشان أراجع الملخص . ومُلخصات هناء فرحان ما أطالع فيها إلا قبل الاختبار. مع أسئلة السامبل بروبلم اللي تحلها معانا د/ سناء أباظه ويوم الاختبار الصباح كنت أحل تمارين اللي هي " أسئلة هناء فرحان " وأما السكشن مرة ما كُنت أحلها ولا أزاكرها للاختبار بس كُنت احضر لمها دفتردار، ممتازة مرة. كانت تشرح كأنها محاضرة؛ وما كنت أحل في البيت.. أفهم وأحل معاها وخلاص ما أرجع أفتحه الله يسعدها يارب

يعطيكي العافية أختي والله ما قصرتي
وتسلمي عالجهد المعطى و ماشاءالله مبروك عليكي الفل مارك و ان شاء الله في المواد الباقية

[Justice Grey]

المشاركة الأصلية كتبت بواسطة Doaa66 أنا بالفيزياء مااعتمدت غير شيئين فقط كنت افهم من فديوهات يوسف زويل و ألخص أهم النقاط و أحل ملخصات أشرف بركات فقط لاغير وجبت a+

شكرا أختي Doaa66 ومبروك عليكي الa+
والله ريحتي قلبي