طب الاسنان والمختبرات

[wafa al7arbi]

السلام عليكم ..
ي جماعة أنا فبالي تخصص طب بشري بس لاقدر الله لو ماجبتو فبالي الكلية الطبية التطبيقية تخصص مختبرات
اليوم بعد الارشادي دخل فعقلي طب الاسنان

فمحتارة بينو وبين المختبرات
الطب البشري لو انقبلتو ماحطالع فغيرو طبعا

بس هل المختبرات افضل ام طب الاسنان ؟؟؟؟؟
وايش المرغوب واللي له مستقبل وظيفي احسن !!

وكمان سؤال تاني :/
اليوم سمعت انو ف التسكين متلا لو كتبت الكلية الطبية التطبيقية اول وتحتها طب اسنان ومعدلي جاب الاتنين يحطوني ف اللي كتبتها اول حتى لو جبت معدل طب الاسنان والافضلية للي كتبو طب اسنان حتى لو معدلهم اقل مني صح دا الكلاام ؟؟؟


واسفين ع الاطالة
وششكرا //

[Mirinoxd]

بالنسبة للسؤال الأول ي قلبي بقولك مكان سؤالك غلط غلط
لما تسألي طلاب التحضيري سؤال زي كدا كل واحد حيفتيلك بالي هو شايفو مو الشي الواقع
يعني انا عني حقلك طب الأسنان أفضل لأن احس كثير مختبرات
غيري ممكن حيقولك لأ المختبرات احسن لان المستشفيات غالباً ماتحتاج الا دكتور او اثنين لطب الاسنان اما المختبرات ياخدو اكتر فهو اسهل ف التوظيف
وزي كدا
الارزاق بيد الله مرا نفسي اني اساعدك واديكي شي يخليكي تختاري لأني حاسة فيكي والله بس للأسف حاجات زي كدا ما نعرف نتنبأ بيها وتحتاجي ناس خبيرة ف الاحصائات واماكن التوظيف يدوكي معلومات أدق

بالنسبة للسؤال التاني ايوا تماماً زي ما سمعتي
لأنو في التسكين ما حيهتمو انتي نسبتك كانت اعلى ولا اقل من النسب المقبولة لباقي التخصصات
هما لهم بالترتيب الي انتي حطيتيه
يبدأ البرنامج يآخذلك رغبه رغبه من أول رغبة لآخر رغبة
يعني يبدأ بأول رغبك لك ويشوف حققتي الشروط والمتطلبات
اذا لا
ينتقل للي بعدها ونفس الشي
واول ما يوصل لرغبة تحقق الشروط خلاص يوقف عندها
يعني لو انتي من اول رغبة حققتي الشروط خلاص بيوقف عند اول رغبة
يعني الترتيب مرا مرا مرا مرا مهههههههممم

ربي يوفقك ويفتح عليكي ويوجهك للطريق الي فيه خير ويختارك لك الأفضل باذن الله

[wafa al7arbi]

طيب وين أسأل :( ؟؟
وششكراا ماقصرتي الله يعطيك العافيةة ....

[رفّات حُلم]

المشاركة الأصلية كتبت بواسطة mirinoxd بالنسبة للسؤال الأول ي قلبي بقولك مكان سؤالك غلط غلط لما تسألي طلاب التحضيري سؤال زي كدا كل واحد حيفتيلك بالي هو شايفو مو الشي الواقع يعني انا عني حقلك طب الأسنان أفضل لأن احس كثير مختبرات غيري ممكن حيقولك لأ المختبرات احسن لان المستشفيات غالباً ماتحتاج الا دكتور او اثنين لطب الاسنان اما المختبرات ياخدو اكتر فهو اسهل ف التوظيف وزي كدا الارزاق بيد الله مرا نفسي اني اساعدك واديكي شي يخليكي تختاري لأني حاسة فيكي والله بس للأسف حاجات زي كدا ما نعرف نتنبأ بيها وتحتاجي ناس خبيرة ف الاحصائات واماكن التوظيف يدوكي معلومات أدق بالنسبة للسؤال التاني ايوا تماماً زي ما سمعتي لأنو في التسكين ما حيهتمو انتي نسبتك كانت اعلى ولا اقل من النسب المقبولة لباقي التخصصات هما لهم بالترتيب الي انتي حطيتيه يبدأ البرنامج يآخذلك رغبه رغبه من أول رغبة لآخر رغبة يعني يبدأ بأول رغبك لك ويشوف حققتي الشروط والمتطلبات اذا لا ينتقل للي بعدها ونفس الشي واول ما يوصل لرغبة تحقق الشروط خلاص يوقف عندها يعني لو انتي من اول رغبة حققتي الشروط خلاص بيوقف عند اول رغبة يعني الترتيب مرا مرا مرا مرا مهههههههممم ربي يوفقك ويفتح عليكي ويوجهك للطريق الي فيه خير ويختارك لك الأفضل باذن الله

ايوا!
بس متلًا لو أنا دحين ابا بشري وما انقبلت وحطيت اسنان متلًا!
ومعدلي يجيب أسنان، بس فيه ناس حطوه رغبة أولى وهما أقل نسبة!!
حياخذهم؟؟

[Somaiah Yousef]

^

الترتيب مهم كـ أولويات لكي
يعني م انقبلت هنا ,, انقبل في الثاني ,, او الثالث وهكذا
لكن في الفرز هما مايهتموا في أولوية الرغبة كلكم سوا في القبول
يعني لو مانقبلتي في الرغبة الاولى ,, تصير رغبتك الثانية كأنها الاولى وعادي زيك زي غيرك

[Somaiah Yousef]

المشاركة الأصلية كتبت بواسطة wafa al7arbi طيب وين أسأل :( ؟؟ وششكراا ماقصرتي الله يعطيك العافيةة ....

انا اقولتس

اقري عن التخصصات دي مزبوط مزبوط

وشوفي المواد حقهآ

وبعدييين استخيري ربك

وشوفي المجالات الوظيفية واي قسم فيهم اللي بسرعة حتلاقي فيه وظيفة

ورتبيهم في الاودس زي مايجو يجو ,, وربي حيكتبلك الخير وراح تنحطي في الكلية اللي تناسبك

اهم شي الاستخارة بقلب قنوع ووالله ماحتضيعي

[Mirinoxd]

آنا الي اعرفو انو الي حاطين رغبة أولى اولى من الي حاطين رغبة ثانية
يبالنا نتأكد من دا الموضوع

[Somaiah Yousef]

^

وي لا مستحيل كدا م آتوقع

إن شاء الله المتخصصين يفيدونا في الموضوع !

[أسرار سامي♥]

♥♥




السؤال الأول
عزيزتي أقرأي هنا
طب الأسنان ..
مختبرات ..

و حسب ميول و قدرات كل شخص
و أنا أؤمن أن كل شخص ينصع مستقبله بنفسه
السؤال الثاني
مثال أنا معدلي 94
رتبت رغباتي - علوم طبيه ثم طب بشري ثم علوم
ونسبتي تدخلني طب بشري وعلوم طبيه لكن أنا حاطة أول شي علوم طبيه
فبالتأكيد حدخل علوم طبيه .. :)

^ أتمنى يكون هذا قصدك

[wafa al7arbi]

شكرا بنات ع ردكم .....
ودا اللي قصدي عليه متلا لو كتبت تخصصين تحت بعض ومعدلي جاب الاتنين يقبلوني ف اللي كتبتو أول ،، بس لو بحول للتاني اقدر ولا لا (متلا) ؟

يعطيكم العافية وماقصرتو

بس عندي استفسار تاني للي راحو اليوم الارشادي فيه ورق ادونا ايه مكتوب ع المواد اللي ف الطب البشري ياخدو الانقليش الاربع مستويات وطب الاسنان ياخدو المستوى الاول والتاني //// دا الكلام ماكان كدا العام صح ؟؟؟

وشكرا مره تانية