[♥~ عنوان معدل ] : استفسار عن مادة الأحياء و الاحصاء

[mejomer]

السلام عليكم
طبعا انا شايله هم ماده الاحياء بشكل فضيع لان نص اللي اعرفهم محملين الماده
ايش تنصحوني بطريقه مذاكره وتست بانك يكون كويس

والاحصاء انا معتمده على سلايدات واختبارات سابقه يكفي هالشى ولا لازم ارجع للكتاب

[رفّات حُلم]

بالعكس!
نص اللي شُفتهم حاملين الاحصاء،
الاحياء مرة مو كتير.
وكتير قالولنا السلايدات تغني!
دكتورتنا قالتلنا الموقع التفاعلي كمان جيد.

بالنسبة للاحصاء الكتاب مرة مهم، يغنيكِ عن كل شي أعتقد
الأسئلة اللي محددة مهمممممممة ع كلام البنات!
مافي مانع تشوفي الاشياء التانية بس شوفي الكتاب المصدر الاساسي

[أسرار سامي♥]

الأحياء كفاية السلايدز ماتحتاجي ملخصات
ممكن أسئلة تختبري حفظك
الأحصاء اذا ما شية مع الدكتورة ع السلايد كويس ^ مثل في الشرفيه غالبا عندهم سلايدات
الاختبارات السابقة و النماذج مهمة جدا للتدريب
و حالة الدكتورة على الكتاب فالكتاب يكفي و يوفي وشامل


عزيزتي

9- يمنع كتآبة عنآوين مُبهمة

سأغير عنوان الموضوع بعد إذنك♥

بالتوفيق لك و للجميع

[moodyd88]

الاحياء من السلايدات و الموقع التفاعلي و اسئلة جمال الشعراوي وان شاء الله الاسئلة سهلة وحلوة افتكر كان اسهل اختبار هوا اختبار الاحياء بس على قد ما تذاكر كل ما تكون الاسئلة اسهل لان الاسئلة كلها مباشرة مافيها لف و دوران زي الاحصاء

اما الاحصاء كنت اذاكر من ملخصات السعدي و التست بانك اللي ينزله قبل الاختبار باسبوع بس مشكلة الاحصاء انه المنسق يصعب بعض الاشئلة بس مو كل الاختبار صعب بس سؤالين الى خمسة اسئلة هيا اللي تجي بلف و دوران اما الباقي مرة سهل بس اهم شي تتدرب فالبيت كثييييييير لان على قد ماتتدرب فالبيت على قد تكون الاسئلة اسهل

ولا تشيلو هم الاختبارات مرة بسيطة اهم شي تذاكروا و تحلوا اسئلة فالبيت على قد ما تقدروا المكتبات مليانة نماذج لاختبارات سابقة

خلاص يكفي لعب وفلة لازم نذاكر وحتى اللي ما بدوا الى الان لسا فيه وقت لو بدات من اليوم لو كل يوم شابترين او ثلاثة يمديكم ان شاء الله على يوم الخميس تكونوا ختمتوا و ليلة الاختبار حل تدريبات وان شاء الله a+ فكل المواد

..........وبالتوفيق للجميع..........