جامعة جدة

[x3bade]

السلام عليكم ورحمة الله وبركاته

طبعا حابب اليوم استفسر في شيء فآجأني صراحه
اليوم قابلت قريبي زيي في السنه التحضيريه وطبعا كنا نتكلم في الجامعه و التسكين و و و وقلتلو اني ابغى طب بشري فقلتلو اني رتبتها (طب الفرع الرئيسي-طب في عسفان-الفرع الرئيسي موازي)
فجأه قلي انو فرع جامعة الملك عبدالعزيز في عسفان وخليص والكمال بتصير جامعة مستقله بمسمى(جامعة جدة)
انا صراحه استغربت من الخبر وصراحه ما صدقتو في البدايه واقلي ادخل على قوقل واكتب جامعة جدة عكاظ
وبالفعل دخلت وقريت الخبر في الجريده وطلع صحيح
دحين انا لمن شفت الخبر صراحه اتلحس دماغي والقهر اني الخبر دا ما سمعتو الي في اخر يوم من التسكين بس عاد الله المستعان

دحين انا صراحه مني عارف جامعة جدة كيف شهادتها وكيف خطتهم الدراسيه في الطب لو دخلتو ان شاء الله وكيف وضعهم
فالي عندو اي خبر عن الخطة الدراسية في الطب وكيف شهادتهم بالله لا يبخل علينا
لأنو خلاص ما بقي إلا ساعات معدوده والتسكين اقفل

[لمحت بعينه غرامي]

أخوي هذا كلام للحين ما طبق
ان شاء الله لا تطبق انت قد تخرجت واكيد راح يعملوا صيانه
لكل المباني من اول وجديد وللحين مافي اي اعلان عن نوع الدراسة
وكيف الشهادة معتمده او لا يعني يبغوا يعملوا جامعة بس للحين مو معروف غير الاسم
ان شاء الله تنقبل في الفرع الرئيسي بالتوفيق "دعواتك "

[Somaiah Yousef]

^

ومين قآل إنه ماتطبق

أنا اشوف الاستاذ حسام ف التويتر مآ يسميها الا جامعة جدة .. وهذا اللي أكّد لي الخبر

بالنسبة للخطة الدراسية ماعتقد إنها تغيرت .. نفسها نفس الفرع الرئيسي

لكن الشهادة للآن مافي أي اخبار عنها

من الأفضل أن تستخير أولا .. وتوكل أمرك لله

إن شاء الله يكتب لك اللي فيه الخير

[جامعي تحضيري]

طب اذا خايف حاول تغيرها قبل ما يقفل التسكين

[Yasmina95]

طيب غير التسكين الان لانه اليوم اخر يوم و خليك بجامعة الملك عبدالعزيز الفرع الرئيسي
و بكيده تكون خلاص الشهادة معترفة و ده جوابا على ردك

[x3bade]

المشاركة الأصلية كتبت بواسطة لمحت بعينه غرامي أخوي هذا كلام للحين ما طبق ان شاء الله لا تطبق انت قد تخرجت واكيد راح يعملوا صيانه لكل المباني من اول وجديد وللحين مافي اي اعلان عن نوع الدراسة وكيف الشهادة معتمده او لا يعني يبغوا يعملوا جامعة بس للحين مو معروف غير الاسم ان شاء الله تنقبل في الفرع الرئيسي بالتوفيق "دعواتك "

والله على حسب ما سمعتو انو الكلام دا حيطبق في السنه الجديده
والله اوفق الجميع

المشاركة الأصلية كتبت بواسطة فيونكـه ^ ومين قآل إنه ماتطبق أنا اشوف الاستاذ حسام ف التويتر مآ يسميها الا جامعة جدة .. وهذا اللي أكّد لي الخبر بالنسبة للخطة الدراسية ماعتقد إنها تغيرت .. نفسها نفس الفرع الرئيسي لكن الشهادة للآن مافي أي اخبار عنها من الأفضل أن تستخير أولا .. وتوكل أمرك لله إن شاء الله يكتب لك اللي فيه الخير

والله انا الشهاده الي متردد كيف بتكون بس اتوقع مدامها جامعه حكوميه فالوضع بيكون تمام والله اعلم

المشاركة الأصلية كتبت بواسطة جامعي تحضيري طب اذا خايف حاول تغيرها قبل ما يقفل التسكين

مو انا هذا الي سويتو دوبي

المشاركة الأصلية كتبت بواسطة yasmina95 طيب غير التسكين الان لانه اليوم اخر يوم و خليك بجامعة الملك عبدالعزيز الفرع الرئيسي و بكيده تكون خلاص الشهادة معترفة و ده جوابا على ردك

مو انا عين في اللحمه وعين في الشحمه
ابغى مكافأه وفي نفس الوقت ابغى الرئيسي
بس بعد ما فكرت وحسبتها بغيرها وبحط الموازي قبل الشمال مو عشان الشهاده بس لكن كبيئه الشمال مدري ليش مو داخل مزاجي ابدا
ولو دخلت الموازي ان شاء الله بشد حيلي عشان اقلب انتظام

ومشكور للجميع على التفاعل والله ادينا على قد اجتهادنا

[شواطئ البحر]

كل الجامعات الحكومية معترف فيها , وزمان جامعة أم القرى كانت فرع لجامعة عبدالعزيز وأنفصلت وتغير اسمها لأم القرى واقصد من كذا نفس الوضع بتكون جامعة جدة.