استفسار!!!!

[b7r_jed]

اول شي احب ابارك لجميع الطلبة انتهاء السنة التحضيرية وان شاء الله كل واحد يلاقي التخصص اللي يبغاه قولوا آمين

أما عن استفساري انه معدلي الترم الأول كان تحت الاثنين وتعرفون انتوا اللي معدلوا تحت الاثنين يقطعوا عليه المكافأة
وبكذا عشت ترم كامل وانا مابين البيت والجامعة والمطار انتوا عارفين ليه اروح المطار <<<<شغال ليموزين

بس في الترم ذا الحمدلله شديت حيلي وحسيت بقيمة الدراسة لمى شفت الناس اللي يوميا هنا يدور رزقه
ويحاول انه مايضيع فرصة وحدة في سبيل لقمة العيش صراحة لمى شفت هذي المواقف تسير قدامي قررت اني اسيب الاستهتار في الدراسة واحاول اني اكون قد المسؤولية والحمدلله رفعت معدلي فوق 3

بس المشكلة انه نزل يوم 24 وفي اليوم الثاني في الصباح رحت استفسرت عن رصيدي لقيتهم ثلاث اصفار مبشكين ومعاهم براد شاهي ومعسل كمان
فهل ممكن تنزلي او لا لأني خايف الصراحة والديون متراكمة عليه وكنت متأمل بذا اليوم بس ما ادري
اللي عنده معلومات عن هذا الموضوع ارجو انه مايبخل عليه

ولكم جزيل الشكر والتقدير

[أنثى نرجسية]

,’

مآعِنْدِي فكْرَة الصرآحَة

بَسْ آنْ شآءَ الله تنزلّك يومْ 25 آظنْ اليومْ آوْ بكرآ .. !



\/

[b7r_jed]

الله يسمع منك

وياليت اللي يخش الموضوع يتفاعل معايه

[مايلي]

ان شاء الله باذن الله تنزلك اليوم
وموفق

[طيوف المملكة]

يا رب تنزل لك اليوم


ولو ما نزلت ضروري تراجع الشؤون المالية وتشوف ايش وضعك

[mr increase]

روح راجعهم واستفسر احسن لك من الانتظار

[مســـــــــــــــك]

ان شاءالله تكون نزلت اليوم خيو
واذا مانزلت اكيد في مشكلة من عندهم لانزم تراجعهم
الله يوفقك

[soma al7elwa]

ما شا الله عليك

الله يفرج كربتك يارب

استنى ليوم السبت الصباح

ازا ما نزلت راجع الشؤون

وبالتوفيق يارب :)

[b7r_jed]

مشكورين على ردودكم يا حبايبي ما ادري ايش اقولكم بس والله محرج منكم صراحة رفعتوا معنوياتي فووووق
مع اني مستغرب على قلة الردود بس الحمدلله لقيت الناس اللي تحب تساعد ومشكورين حبايبي


الله يوفق الجميع لمى يحبه ويرضاه

[ROoOFaNA]

ما شاء الله تبارك الله عليك
احي الصراحه فيك وانك كافحت الين ارتفع معدلك
وهذا شئ طيب
والشغل مو عيب
وان شاء الله تنزل لك المكافأة
واذا ما نزلوا لك هي روح وراجعهم
بالتوفيق أخي الكريم