المقبولات في ماجستير علم النفس للتواصل وترتيب الجدول

[Raho]

ارجو من المقبولات في ماستر علم النفس المشاركه لنستفيد من بعضنا انا حايسه وودي نتواصل مع بعض

[Raho]

معقوله مافي احد ياليت لو فيه عشان نستفيد من بعض ونكون على تواصل ان شاءالله

[Raho]

اقصد ماجستير التوجيه والارشاد النفسي طبعا

[Raho]

وين المقبولات بقسم الارشاد النفسي معقوله مافي تجاوب

[سمارهـ]

السلام عليكم
المقبولات حيكونو حايسين اكتر منك اللي انا وحده منهم
جالسه استنى اشوف اخرتها مع الحذف والاضافه
في البدايه ما كان يفتح كاتبين للايقافات في سجلك
والايقافات كانت مكتوبه مواد تكميليه
وامس فتحت لقيتهم شالو الايقافات كاتبين لا يوجد ايقافات في سجلك
وفتحتلي كم ماده في الحذف والاضافه بس لسه ما اقدر اسجل قلت استنى شوي واشوف
قالولي في الجامعه مسؤولة الحذف والاضافه لنا استاذه مريم الزهراني بس ما كانت موجوده لما رحت ساعاتها المكتبيه اثنين واربعاء
بستنى كمان شويا واذا ما سار جديد بروح الجامعه اسال ان شاء الله

[Raho]

اخييييرا في احد الحمدلله انا صار معايا زيك بالضبط في البدايه الايقافات هذي والان مااقدر اسجل يمكن لسه مافتح التسجيل لانه مو مكتوب حتى مين الاستاذات وكمان مكتوب غير متاح التسجيل

[Raho]

انتي عبيتي ورقة طالبه مستجده عند رئيسة القسم ؟؟ لانهم قالو انه المفروض اروح بما انك رحتي قبل هل هذا الكلام صحيح

[سمارهـ]

يمكن لسه بدري شوي

انا رحت عند سكرتيرة القسم قالتلي انا مسؤولة روحي لاستاذه مريم الزهراني

ما قالتلي عبي ورقة

[سمارهـ]

انا مو مسؤوله **

[Raho]

اها اوك تمام نبغى نتقابل ان شاءالله 🌹🌹