دعوه للنقاش لماذا هذا التخصص ...بالذات الدعوه للجميع

[m.alharbi]

السلام عليكم ورحمة الله وبركاتة
................................................
مبروك عليكم النجاحج والمعدلات الي طلعت لنا بعد كر وفر مع سنة تحضيرية للنسياان
الحين جانا الاهم وهو التخصص ياليت يكون ذا الموضوع للناقش في التخصص المناسب ومستقبلة من خلال معرفتك التامة مو ممن كلام الناس عشان تفييد نفسك وتفيد الاخرين الذين هم في امس الحاجة للتوجية والارشاد فياليت نتكاتنف ونتاون ونساعد بعضنا البعض



ابدأ بنفسي ..؟؟انا محتار بين قسمين هما ادارة الاعمال او الانجليزي ..
نفسي باداراة الاعمال بس متستقبلها..؟؟؟ مجهوول ورغبتي فيها قوية بسا مايطمن ويقولو تتخرج وتعلق الشهادة ببيتك وربي قووية ..

انا صار لي شهرين مررره محتار مدري وش اتخصص


مراات اقول ادارة اعمال والي فيها فيها ...
ومرات اقول لا اتخرج ما الاقي وظيفة ....لا خليني اتخصص انجليزي اصرف ...والله مررة محتار ومو عارف .........


ياليت التكرم بمساعدتي بمعلومة ورسم الطريق لي وللاخرين من خلال ذا الموضوع


ولكم جزيل شكري وفائق تقديري

[misslolo]

أدخل التخصص إلا انت حابه أكثر شيء وحاسس انه عندك قدرة له أما عشان الوظيفة أنسى موضوعها لأنه البطالة كثرت هذه الأيام والأرزاق بيد الله
يعني لو لاسمح الله أتخرجت من تخصص مطلوب في سوق العمل ولما أتخرجت مالقيت وظيفة راح تحط يدك على خدك وتندم على شبابك الا راح في تخصص انت ماتحبه بس دخلته عشان مستقبله وطلع ما فيه مستقبل أما تدخل شيء تحبه حتى لومالقيت وظيفة على الأقل تكون أستمتعت فيدراستك لشيء تحبه لمدة 3 سنوات

[RanNo0^_^]

مشكووور أخوي على موضوعك الخطير والفكرة المفيده

أنا أقول أخويه من وجهة نظري إنو إدارة أعمال أفود لك من الإنجليزي
لانه الإنجليزي الناس بتاخدو دورات والشركه اللي بتشتغل فيها بتقبلك مجرد انو عندك لغه سواء بكالوريوس او دورات
إدارة الاعمال فتحت فيها تخصصات جديده ومررة كويسه
زي نظم المعلومات وإدارة الاعمال الدوليه
بتشتغل فيها ببنك أو شركه وبتنفعك إن شاء الله
أنا ما اقول الإنجليزي ما لو مستقبل بالعكس مستقبلوو مررة تمااام
لكن لو درست إدارة أعمال وأخدت دورات إنجليزي بتسير ضربت عصفورين بحجر
هدا رأيي أخوي

أما بالنسبه لنفسي انا فكرت انو أحط نظم معلومات أو قانون صراحه مدري إيش مستقبلو أحسن ....
بس لسه بأفكر
وفكرت كمان إني أحط نظم معلومات ومن بعدها أحول حاسب الي علمي
بس ما اعرف في ناس تقول الحاسب ما بينفعك نفس الكلام اللي قلت لك هوا ع الانجليزي !!!!
بس قلت انو نظم معلومات في إدارة وإقتصاد مرغوب فما بالك لو أخدتو حاسب الي بتوسع أكتر أعتقد بيكون مرغوب أكتر .....
وما زلت محتارة مثلك أخوي والله يقدم اللي فيه الخير
وكمان برضو في النهايه نحط التخصص اللي بنستمتع فيه اكثر زي ما قالت ميس لولو كلامها مررة تمااام

أسفه ع الإطاله :s
يسلموو

[zozo123]

الاثنين ليهم مستقبل بس على حسب ما انت تحب

[m.alharbi]

بس انا الي اشوفه الانجليزي مستقبله واصح بالتدريس او الشركات او العسكرية اوو

اما ادارة الاعمال بس بالشركات لا وكمان مو واضح مستقبلة وفرصة بالسعوودية قليلة ؟؟؟ ياليت نشووف لقاءات تعريفية خاصة ان المملكة مقبلة ع الانفتاح التجاري العالمي ..

ومع ذلك لا نرى اي ترغيب في التخصصات الادارية ووو

[لحظة ألم]

اخوي ادخل التخصص اللي انت تبيه وما تفكر في الوظيفه لانه علمها عند ربك وبعدين اداره اعمال مستقبلها ممتاز وكل اللي اعرفهم وتخرجوا من هالتخصص توظفوا ..المهم تدخل التخصص اللي راح تنتج فيه مو تدخل عشان الوظيفه لانه اذا دخلت انجليزي عشان بس وظيفته وش دراك نك راح تتوظف بعدين. فاذا تبي نصيحتي ادخل اللي انت نفسك تدخله وتحبه..
اما انا فابي محاسبه إن شاء الله بس انا قريت اليوم انها صعبه فما اعرف كيف بس انا مقتنعه فيها ولها مستقبل والمهم اني إن شاء الله راح انتج فيها .. وفيه عندك كمان نظم معلومات يقولوا حلوه
انا نفسي الاقي موقع يكون فيه تعريف بالتخصصات اللي في كليه الاقتصاد والاداره وكل تخصص عن ايش يتكلم وايش الوظايف المتاحه لهذا التخصص بس ما لقيت كل اللي لقيته كلام ماله داعي اتمنى تفيدوني

[متفائلة دومآ:)]

بصراحه كلام الحلوين اللي فوق صح انت لاتفكر في وظيفه وفي مستقبل لانو لو جينا للوظيفه كل التخصصات اكيد حيكون لها وظايف باذن ربنا طبعا وزي ماقالت رنو الانجليزي ممكن تاخذو في دورات لانو مابيدققو انت ايش الشهاده حق الانجليزي بكالوريوس او دورات المهم لغه انا من راي ادخل اللي انت حابو واللي حاس انك حتمشي فيه وزي ماقالت كمان مو تضيع عمرك على الفاضي وتجي في النهايه ماتلاقي وظيفه انا عن نفسي اتمنى ادخل اقتصاد منزلي اتخصص دراسات طفوله مره حابه الشي دا بس الكل يقولي مالو مستقبل بس انا راح امشي ورا رغبتي عشان كدا سوي اللي انت تحس في قرارة نفسك انو صح وانك مقتنع فيه وسروي على الاطاله *_*