Thermodynamic

[whiz]

الحمدلله والصلاة والسلام على رسول الله وعلى آله وصحبه أجمعين
ياشباب وش رايكم في قسم الهندسة الحرارية
انا تخصصت حرارية وكل ما قابلت احد من الطلاب يقول لي حول انتاج افضلك
ليه مش عارف بعضهم يقول القسم صعب وبعضهم يقول ما في وظائف وانا صرت محتار احول الترم الجاي ولا
ارجوكم ارجو الرد

[يلدرم]

السلام عليكم ورحمة الله وبركاته

انا طالب متوقع تخرجه من قسم الحرارية

القسم فيه نوع من الصعوبة في المواد كما انك راح تفتقد لتدليل الدكاترة اللي موجود في بعض الاقسام الاخرى

بمعنى أصح في قسمنا تأخد حقك بدون زيادة

اما بالنسبة للوظائف ففي السعودية كل الشركات ماتفرق بين الانتاج والحرارية وتختار الافضل في المعدل لكن في نفس العمل كل شغلك يكون نفس دراستك بعكس طالب الانتاج اللي يروح سابك او ارامكو بمعدله ويشوف اشياء جديدة مادرسها غير طالب الحرارية

انا لي زملاء من الانتاج يعملو في هذي الشركتين وهذا كلامهم واحيانا يسألو عن معلومات تكون بالنسبة لي جدا سهله

لكن زي ماقلتلك كل شئ يعتمد عليك كيف معدلك وكيف تبغى تمشي في القسم

اذا تبغى اي شئ اوضحه لك اتفضل وراح اكون مسرور

[whiz]

شـكــ وبارك الله فيك ـــرا لك ... لك مني أجمل تحية . يا اخ يلدرم
والله انا معدلي فوق 3.5 بس ابغى اعرف هل كل مواد القسم زي الثيرموا وهل كل دكاترة القسم حسب ما سمعت صعبين

[يلدرم]

السلام عليكم ورحمة الله وبركاته

طيب ماشاء الله معدلك طيب بالنسبة لطلاب الحرارية

شوف حقك تأخدوه مافي ظلم لكن شغل الدفدفة اللي تسمعه في الانتاج ماعندنا ولو تبغى روح نادي الهندسة الحرارية قدام المصلى في الكلية وأسأل الشباب هناك وراح تستفيد كمان منهم

[whiz]

مشكور وما قصرت بس ابغى اسألك هل القسم صعب
وانا مستعد اكمل فيه

[يلدرم]

والله كل شئ فيه صعوبة فماأقدر اقلك صعب لكن في مادة اسمها الفلود صعبة بسبب الدكاترة اذا عديتها وهي تاني مادة في القسم ان شاء الله بعدها راح تمشي

انا دخلت القسم وكانوا يقولو صعب ووو

ومشيت فيه بالتساهيل والحمدلله

اهم شئ تتخرج بمعدل تمام