عـاجلاً غير آجل يا إخوان ( قبول الطالبات )ـ

[جزا]

السلام عليكم ورحمة الله وبركاته

يا إخوان بغيت أعرف تاريخ موعد القبول في كلية التربية للبنات ( الأقسام الأدبية) اللي جوار سور الحوامل.


دخلت موقع جامعة الملك عبد العزيز لقيت أنو آخر موعد للتقديم 27/7 هل هذا التاريخ ينطبق كمان على قبول طالبات كلية التربية انتظام؟ والمشكلة الموقع خربان, ودي ألحق وأعبي الاستمارة.

أصلاً كيف يبدأ التقديم وباقي ماطلعت النسب ولا نتايج القدرات؟ اليوم تم تسليم الشهادات للطالبات من مدارسهم, والقدرات باقي ماطلعت.. علموني يرحم والديكم

ولو مالحقت عالموقع اليوم ايش أسوي؟ خلاص انتهىىى . يعني الله يعوض عليه.؟ أو أنا واهم

[يلدرم]

الموقع يعمل بشكل طبيعي

http://odus1.kau.edu.sa/web_app_v3/U...E/new_tam.aspx


سجلي معلوماتك ونسبتك واكتبي رقم الاشاراك لاختبار قياس

[جزا]

بارك الله فيك يالغالي وشاكر لك مرورك اللطيف , ولكن للاسف باقي موقع الغفلة خربان عندي , وش رايك لو اروح العمادة بنفسي وأسجل البيانات من عندهم؟ وسؤال ثاني : كلية التربية للبنات تقديمها من نفس موقع جامعة الملك عبد العزيز؟ لأن العام كان القبول يدوي من عندهم قبل الانضمام للجامعة. نفع الله بك الاسلاااام والمسلمين

[MNMO0ONA]

يوا انتي سجلي دحين عادي على موقع الجامعه وهما على حسب نسبتك ياحيقبلوكي في الكليه او الجامعه

[جزا]

سؤال اخر : النسبة 84% أفهمها واختبار سنة تأهيلي ( اللي بفلوس) أخاف ما انقبل في التحضيري ( المجاني)

واذا ماقبلوني في التحضيري , هل يمديني اقولهم: خلاص حطوني في التأهيلي (المسائية- مدفوعة التكاليف) ولا ضاعت عليه سنة.؟

[MNMO0ONA]

لا لاتشيل هم في برامج كتير في الجامعه غير الانتظام
في انتقالي وتاهيلي وكليه المعلمين والجامعه اللي في رابغ طبعا دي مو انتا تقدم عليها على حسب نسبتك حيحطوك في المكان المناسب لمعدلك لاتشيل هم وازا مررره قفلت من كل الطرق الله يعينك انتساب سنه وجيب معدل وتحوول انتظام وموفق

[يلدرم]

المشاركة الأصلية كتبت بواسطة جزا بارك الله فيك يالغالي وشاكر لك مرورك اللطيف , ولكن للاسف باقي موقع الغفلة خربان عندي , وش رايك لو اروح العمادة بنفسي وأسجل البيانات من عندهم؟ وسؤال ثاني : كلية التربية للبنات تقديمها من نفس موقع جامعة الملك عبد العزيز؟ لأن العام كان القبول يدوي من عندهم قبل الانضمام للجامعة. نفع الله بك الاسلاااام والمسلمين

المشكبة من شركة الاتصال اللي تتعاملي معها وكان كثير من الطلبة يعانو منها

اذا عندك اقارب اتصلي عليهم ويسجلوك

الموقع يعمل ومافيه مشاكل ابدا

القبول من النت ومافي شئ يدوي وكلية التربية تقديمها من الجامعة لانها من ضمن كلياتها

[جزا]

ابششششششششششششررررررررررك فتح الموقع معاية ..تكفىىىىىى خلك معي خطوة بخطوة يمكن يستشكل عليه شي

[يلدرم]

المشاركة الأصلية كتبت بواسطة جزا ابششششششششششششررررررررررك فتح الموقع معاية ..تكفىىىىىى خلك معي خطوة بخطوة يمكن يستشكل عليه شي

متواجد لمدة ساعة من الان

[جزا]

أســــــــــوي تاكيد طلب يا يلدرم ؟