هل صحيح ما سمعت عن الهندسه في جامعتنا؟

[اوريانتيشن]

شي ارعبني والله

كثير وكثير وكثير من الشباب قالو ان الهندسه في جامعه الملك عبدالعزيز *

يعني فيه طلاب متخرجين من عندكم وعاطلين!!!وبمعدلات وشهادات قويه!!!

وحتى المبنا حق الهندسه متهالك...!!!


والكلام الي سرت اسمعه دايم من اغلب الشباب



اعزكم الله يا احبابي./.

لاكن>>>ايش ردكم؟والدليل ان الهندسه في جامعه عبدالعزيز هي افظل هندسه.؟

[اوريانتيشن]

هدي اعصابك سيناتور حبيبي ماهو انا الي قلت هالكلام:) عموما انا جاي استفستر ماني جاي ادور مشاكل:)

ويا ليت احد يجاوبني وشكرا

[che04]

سلامتك..!!
الكلام هذا مو صحيح
المتخرجين وبمعدلات اقل شي 3.75 تلاقيهم في ارامكو وسابك ومن الشركات الكبار المتعاقده معهم
وما اعتقد فيه احد جلس عاطل على الاقل سنه ونص بعد ما تخرج ومعدله اقل من 2.5
وتخصصه غير مرغوب بكثره ومحدود
لانه يكفي انه مهندس فبتالي مميز من بين افراد المجتمع عقليا وفي امور عمليه اخرى..
لذلك لا تسمع لوكالة (يقولون) لان مصداقيتها تكاد تكون معدومه ..!!
ارجو اني افدتك

[اوريانتيشن]

تسلم che04 الله يطولي في عمرك ..

اشكرك ع ردك واكيد انك افدتني..ولك تحياتي

[صلاح الدين]

يآأخي العزيز .. اصلن من ادب الحوآر حتي لو كآن كلآمك صح عن كليتنآ (طبعآ كلآمك كله عن الكليه من النآحيه التعلميه غلط فـ غلط) احترم الطلاب ونا وآحد منهم الي اتشرف اني اكون طآالب من طلآب كلية الهندسه بـ جآمعة الملك عبدالعزيز ... يعني ينفع تدخل بيت وآحد حتي لو مآتعرفه وتقول كلآم لايمت بالوآقع من شئ ..!

يعني كليتنآ خرجت الاف المهندسين وكلهم ماشاء الله شغآالين وامورهم عآال العآال ..!

وآنصحك نصيحه اخويه لوجه الله .. انتبـه لـ كلآمك .. مو عشآن موضوع الكليه دا ..؟ لا والله بس لانو الانسآن ينحكم عليه من خلآل كلآمــه (لسآنك حصآنك .. ان صنتـه صآنك) .

لاتزعل من كلآمي ترآني اقوله بـ صفه اخويـه لا آكثر ..

[صقرر]

الجامعة من افضل الجامعات في السعودية

وكلامك خاطئ 100% ولا تسمع لكلام غيرك وحاول تقرأ في النت او في المجلات عن سيرة الجامعة

وبالنسبة للوظائف فلله الحمد ما يجي 4 او 3 شهور الا والشخص متوظف وكثيرين اعرفهم

وبالنسبة للمبنى اعتقد انه الاهم هو التعلم ولو كان في قش حمامة

تحياتي

[اوريانتيشن]

سامحوني يا شباب ما اقصد الغلط..


لاكن لاني اعرف شباب متخرجين من عندكم ومتعطلين ما اقصد الاهانه


وصدقت يا اخي >>لسانك حصانك>>اسفين


لاكن كلامي من واقع

[صلاح الدين]

لآعآدي بس اكيد اصحآبك العآطلين (على قولك) عندهم سبب يآأنه معدلآتهم طآيحه او تخصصآتهم مجآلآتهآ ضعيفه

واقلك شئ في سنه في الحيآهـ من يوم ربنآ خلق الكون وخلقنآ ..ربنآ مآيضيع عمل آحد لو كآن مخلص النيـه فيه لوجه الله تعالي يعني .. لو شخص اتخرج من اي كليه وتعب فيهآ واجتهد ربنآ رآح يعوضـه خير إن شاء الله يعني ممكن ربنآ يعوضه فـ صحته فـ عآفيته فـ رزقه مو شرط الوظيفه .

[الطايفي]

السلام عليكم ورحمة الله وبركاته

اخوي العزيز

هذا الكلام خاطئ ومرفوض ثم مرفوض ثم مرفوض ثم مرفوض




انا متاكد انك لم تقل هذا لكن حبيت تنقله لنا على اساس تستوضح الخبر

انا ماراح اجاوب على سؤالك بتفصيل واكتفيت بنفي الكلام لان الشباب حيعطوك التفاصيل لكن انا باتكلم عن وكالة يقولون

بقدر ما كلام وكالة يقولون حرق دمي بقدر ما اعذرهم لانه في نوعيات طلاب وللاسف

لا تستاهل دخول كلية الهندسة مهمتها نشر معلومات مسيئة عن الكلية يعلل بها سوء مستواه وفشله (( شماعات للفشل))



طالب ما يذاكر ولا هو معطي اهمية للمادة ولا يحضر واستلم اخوياه بالرسائل (( فلان حضرني معاك - علان انسخلي الواجب وسلمه - زعطان ابغاك تذاكر لي " الاختبار باقيه نص ساعة او عشر دقايق"- ابغى اصور الدفتر كله لو سمحت"بينما هو لم يكلف نفسه عناء الكتابة اوحتى حمل قلم والله عيب طالب جامعي جاي الجامعة بدون اي شي حتى القلم ما جابه هل هذا يستحق يكون مهندس ؟؟؟ ولاهي مرة ولااثين بل مرات"))


هذه التصاريح اللي ذكرتها يا اخ اوريانتيشن تسمعها بعد الاختبارات غالبا وهي على حالات منها:



اذا حل وجاب درجة حلوة في الاختبار في نظره ((100/70)):
يقول لاخوياه " هذا وانا ما ذاكرت ولاحليت واجب ولااحضر للدكتور كيف لو ذاكرت يمين بالله الجامعة هاذي بزوطة وكلام فاضي فين الهندسة صح في جامعة البترول ولا برا الناس اللي تدرس صح مو اللي عندنا الله يخارجنا بس"


ردي عليه : احمد الله انك عديت والله فتح عليك في الاختبار واشكر النعمة بانك تجتهد في المرات الجاية مو تجلس تحش في الجامعة و دكاترتها وكانك بنجاحك هاذا صرت فاهم كل شي و مو كل مرة تسلم الجرة


واذا حل وجاب درجة سيئة ونجح على الحفة ((100/60)):
يقول لاخوياه" -يبدأ كلامه بالسب والشتم في الدكتور ما يعرف يشرح و النغمة نفسها المعتادة وبعدين يستلم المنهج- المنهج صعب وحق علماء مو حقنا احنا الطلبة وبعدين يابويا الدراسة انجليزي واحنا ماعلمونا انجليزي زي طلاب البترول ولا الجامعات الصاحية يا شيخ لو اروح لمصر اخرج لي من العالم الـتعبانة ##### الموجودة هنا"

الفشل اسبابه متعددة فلا تلقها على الغير وتنسى نفسك قد يكون الكلام صح ان الدكتور ما كان بذيك الكفاءة في الشرح او المادة صعبة الفهم لكن فين مجهودك واجتهادك من اول الترم عشان تجي تحكم على الدكتور بالفشل او الجامعة ككل

واذا خبص ورسب ((100/59)):
يقول لاخوياه " -يبدأ كلامه بالسب الغير طبيعي والشتم في الدكتور - يا ابويه دكتور ما يعرف يشرح ولا هو فاهم المنهج ولا عنده تعامل وبعدين حاقد عليه انا خصوصا ، رسبني عشان درجة الله #### ، وانا اصلا حاس من اول انه يبى يتمنذل فيه ، فجيته في المكتب وكلمته وقلي ابشر ولا يهمك ، وبعدين اطالع في النت لقيتها مرصودة f - بعدها يستلم الدكتور سب من العيار الثقيل ####### ويختمها بـ حسبي الله عليه - انا الحين عرفت ان الجامعة هاذي كلها واسطات في واسطات ومحد يمشي وضعه فيها الا باللف والدوران ياشيخ الله #### الجامعة ضيعت وقتي فيها لو اني رحت ابتعاث كان احسن لي من المرمطه هاذي حسبي الله حسبي الله عليك يا دكتور ، نفسيتي اندمرت والله"

صراحة شي يرفع الضغط ان نجح فالسبب في ضعف درجاته هم الدكتور والمنهج والجامعة وان رسب فالسبب ايضا هو الدكتور والمنهج و الجامعة

واما هوه فهو الطالب اللي لابد ينجح غصب ولا رضا سواء ادى واجباته ((من حقه ان ينجح ويتفوق )) او مبزوط ماهو داري عن الدراسة يبلغونه الشباب بمواعيد الاختبارات وهو نايم في بيت اهله وفي معظم الاحيان يدق حنك وسوالف بين المبنيين حقت الكلية

وبعدين ليش تحد نفسك على شحتة درجة وانت ما تستحقها ما كان في يدك 100 وضيعت 41 منها باهمالك

اسمحولي قد اكون قسيت في كتابتي لاكن هذا الواقع المرير اللي اشوفه ويشوفه غيري الكثير صحيح كليتنا فيها مشاكل وبعض الدكاترة السيئين (( وهذا شي طبيعي في كل الجامعات وجود دكاترة متعنتين او صعبين المراس)) لكن لايعني هذا الكلية باكملها.
وقد يكون هناك دور للواسطات لكن لم ارى واسطة نقصت من درجاتي او زادتها لاني لم اسعى لها ولكن اللي متكي على الواسطة صح يقهرك لكن في نفس الوقت يخليك تشد حيلك عشان تعرفه صح ايش هيه قيمتك((تاكل بذراعك))
وياخي اذا كانت عندك الشجاعة حقت حش الكلية والسب فيها روح اشتكي للعميد الكلية ولا لمدير الجامعة مادام انك شايف الظلم بعينك وقلهم فيه واسطات وكذا وكذا وساهم في عجلة التطوير



وفي النهاية تجي وكالة يقولون بكل بساطة تقول كلية الهندسة داجة
ومالها مستقبل






ياليت يكون شعار كل واحد منا :
"متوكل على الله و باذن الله اني متخرج من الكلية يعني متخرج بمعدل يشرفني ويتناسب مع مجهوداتي مهندس اصنع نفسي بعد توكلي على الله بادائي و اجتهادي ولا يهمني تقييم العابثيين لمستوى الدراسة في كليتي"

اسف اذا كنت تخطيت حدود حمراء للمنتدى بدون علمي لكن حاولت بقدر المستطاع تنميق الكلام واتمنى ان اكون وفقت في توصيل فكرتي باسلوب مؤدب
لكن اعتقد ان المقام يستوجب رد شديد


تحياتي لكم

[heso]

كلام ليس له اي مصدر موثوق :)

تأكد من مصادرك و أسأل الناس المجربة و المتخرجة بالدرجات العليا خصوصا ...