بنات الي ما فتح معاكم الاودس

[سرت كبيرة]

السلام عليكم ..كيفكم صبايا؟؟وكيف زحمة التسجيل في الجامعة والمرمطة ؟؟

المهم ما علينا من دا كلو

ابغى اقولكم البنات الي ما فتح معاها الاودس عاااااااااادي لا تعصبي ولا تشيلي هم ترا والله احنا مكبرين الموضوع وهوا مايستاهل ..((هههه انصحي نفسك أول ))

المهم نرجع للموضوع البنات الي مسجلين في الجامعة نزلت جداولهم بسس اما الي في الكلية لسا مانزلت يعني لا تستعجلو ..

ما اعرف ليش دا التفريق بس عاااادي خلونا نخدها بروح رياضية ..

بس ابغى اسالكم سؤال::الي عندهم خبرة بالجامعة لو ابغى انقل بعد السنة التحضرية للجامعة اقدر ولا لا؟؟

[wan]

كلامك صحيح و صدقوني كل شي رح يوضح قبل الدراسه بأسبوعين حتى اللي نزلتلهم الجداول احتمال تتغير

بالنسبه للتحويل يب اللي تجيب معدل حلوو تقدر تحول
للأمانه ما سمعت أحد حول بس دا كلام الموظفات يعني

بالتوفيق

[مني يغار الورد]

الله يوفقكم

[miss caraza]

مافهمت الزبده من موضوعك

الي مافتح ايش تسوي؟

[سرت كبيرة]

اختي الزبدة انو الي مشجلين في الجامعة طلعت جداولهم

اما الي في الكلية لسا ما نزلت..

يعني ادا انتي في الكلية استني

واقعدو رددويابنات الكلية يااااااااااااااااليييييييييييييييييييل ما طولك

[miss caraza]

ههههههههههههههههههههههههه
انا مو في الكليه
ولاكاني في الجامعه لانو الاوديس حقي فتح مره وبعد كدا مافتح :@

[سرت كبيرة]

هاااااااااااااا

اوكي عاااااااد كويس فتح مرة

احنا ولا مرررررة

الحمدلله بس

[HANO.ONA]

سرت طويله ... هبيله آآآآآآآآآه اقصد كبيره
أنا سألت الدكتوره قالتـ اهم شي جيبي نسببه عآآآآليه ..
وعاد انتي ماشاء الله عليكي شاطره وقدهـ وقدود

امآآ الأودس دأأ مرااه قاهرني >>حتي وانا نايمه احلم فيه
والله يوفقك ووأعين وربك يجيب مطر

[أنثىْ لأ تنحنَيِ }`]

تعالوا انتو

كيف يقولون طلعت جداول بنات الجامعه

انا ماطلعلي لاني اصلن ما تخصصت >> شكلي خاشه عرض

فهمووني مين اللي نزلت جداوله