للي كانوا تأهيلي ..أفيدوني

[سكرت العسل]

السلام عليكم ورحمة الله وبركاته

أحب اقولكم كل عام وانتم بخير ...
بما اني دخلت اداري وطبعا تأهيلي حبيت أسأل اصحاب الخبره عن هذا المسار
وكيف كان تعاملك في المذاكره ...؟؟
وماهو المعدل المطلوب حتى اكون انتظام يعني دوام بالصباح ؟؟؟
بصراحه انا داخله الجامعه وأبي استفيد من خبراتكم بكل شي
من كل النواحي ...
وعلى فكره انا كنت علمي وانشاءالله مراح تكون الرياضيات او الاحصاء صعبه
على حسب ماسمعت انها مو مره صعبه...؟؟
اتمنى تفيدوني .................

[بنت من الجامعه]

انا كنت تأهيلي أختي وبرضو كنت علمي بالثانوي وسرت اداري
بالنسبه للإداري ان شاااء الله مو صعب عليكي
وبالنسبه للمعدل انك تحولي هما طالبين 3,57 لكن الين الحين ما ندري اختتي ح يبان ان شاء الله لمن تنزل التخصصات
إذا كانو ح يقبلو معدل اقل ولا لا
وان شاء الله تجيبي المعدل هدا بسهوووله بس شدي حيلك
اماا بالنسبه للدواام يكون من 11 او 12 الين 5 او 6
صرااحه كان الدوام تعب وكنت اكرهه بس اتعودنا عليه ومنو اننا ننام ونشبع نوووووم
اماا الاختبارات والمواد نفس الانتظام بكل شي ونفس مواعيد الاختبار
وبالتوفيق اختي لو عندك سؤال معين انا حاضرة

[سكرت العسل]

بنت من الجامعه ياعمري ماقصرتي
لكن ودي اعرف مصلحات الرياضيات او اي ماده مابي ادخل عليهم وانا مو عارفه شي ولو بشي قليل اذا تقدرين تفيديني
او اذا كان فيه كتب خارجيه تفيدني ..؟؟!!
وهل يحتاج المذاكره اول بأول ...؟
وشنو كنتي تعتمدين عليه بمذاكرتك على الملخصات والا على الكتب؟؟
معليش بطفشك ...^_*

[بنت من الجامعه]

هههههههههههه ولا يهمك عيوني
بس ايش قصدك بمصلحات ؟؟
الموهم ..
انا اقول ملخصات ودا الكلام صراحه ما كنت اهتم له
مافي احسن من الكتااااب
ولا تخافي ادخلي كده واتوكلي على الله لانو اولا
بيشرحوولكم على مهلكم وما بيستعجلو عليكم
وفي بدايه الترم ح يعطوووكم مقدمه ويفهمووكم كل شي ح تسوو خلال الترم كلو فمافي داعي لكتب خارجيه عشان تاخدي فكرة عن الموضوع

خلي كل شي لوقتووو وح تفهمي كل شي ان شاااء الله >>>لا تنصحي
لانو ما يحتاج الموضوع ان شاء الله بس لا تشيلي هم

وبعدين ح تاخدي إختبارات دوريه وفي فترة بينهم عبال تذاكري كل جزء
اما المذاكرة اول بأول طبعا من مصلحتك تذاكري اول بأول خصوصا لو رياضيات وتحليل كمي
المووووهيم بالتوفيييييييييق ولا تشيلي هم ترى ان شاء الله سهله وتعدي بسرررعه ^^