سرقة (بس المرة دي فين ) ؟؟؟؟؟

[shaden]

مبارك عليكم الشهر الله يعيده علينا سنوات عديدة يارب ويكتر طاعتنا وقيامنا وصيامنا

وكل سنة وانتوا سالمين

روحت انا وماما أمس عشان زي كل سنة نصلي التراويح في المسجد إلي جنب بيتنا قسم النساء الدور

الثاني ومنعزززززززززل تماما عن الرجال يعني لو ينقتل قتيل فووق محد يدري (من كتر الحرص )

وماشالله الامام كان صوته رااااائع لدرجة انك تنسى الدنيا كلها وتركز مع الامام بس في الصوت

والمسجد كااااااان مليااااااااااااااان ماشالله رغم أنه أول يوم رمضان الله يهدينا جميعا

واحنا كدة في الركعة الثامنة سمعنا صوت جررررري خلف صفوفنا والباب أنسك بقوة لدرجة انه

الي معايا في الصف أنفجعواا من قوة الصوت طبعا الي جاء في بالي انه وحدة من الأطفال تجري الله يهديها وسكة الباب بقوة

بعد ما انتهت الركعة ساروا الحريم يتسائلوا شوية كدة وحدة صررخت شنطتي فلوسي اقامتي وجواز سفري

الاخ طلع حرامي ودخل المسجد وسرق الشنطة وشششششششششرد

الي أبغى أعرفه كيف قدر يدخل قسم النساء ويسسسسسسرق شنطة ويششششششرد وفي مسجد

طبعا حكيت أخوية قال اليوم شنطة بكرة ادمية وبعدو الفراش حق المسجد والله كريم


ايش رأيكم دا وفي رمضان مع العلم اني في حي رااااااااقي جداااااااااا حتى أسألو جيراني