دكتور الرياضيات في الجامعه

[مادري]

السلام عليكم ورحمة الله وبركاته

اخواني الكرام مساكم اللة بكل علم طيب وخير


يربع اخوكم اللي هو انا طالب مساعدتكم فأرجو من يدخل يفيدني اللة يرحم والدينك لاطنش

ياأخوان انا قدر الله علي تعنيت وطقيت مشوار من الرياض وطبعا قبلها جبت مدرس رياضيات

وذاكرت وتعبت وحضرت لجدة واختبرت طلعت النتيجه امس تطق السبد حاطين لي (dn )

تعني اني ماحضرت الامتحان , وانا والله العظيم اني حاضر وموقع علي كشف التحضير وكاتب بياناتي بكل وضوح اللى عنده ايميل مدرس الماده رياضيات 114

تكفى وجعل من جابك للجنه انك تعطينياه لاني في الرياض ودوامي واللة لو ابي مرض ماعطوني إجازة علي شان اجي جدة

تكفون يعيال ابوي لاتخلوني تراني محترق حدي

واللة يوفق كل من يساعدني

[عنيد بس عميد]

الله يوفقك أخوي ولاتخاف كل شيء راح ينحل وتأخذ حقك ماعليك إلا إرسال معاملة الكترونية لعمادة القبول والتسجيل بخصوص موضوعك وراح يعطونك اللي تبيه وإلا أطلب منهم مراجعة ورقة الإجابة لأنك حضرت وإن شاء الله تأخذ حقك ، لك مني كل التقدير والاحترام

[salems]

ارسل رسالة على أستاذ المادة وإن شاء الله اموارك راح تتيسر مقدرين وضعك وحاسين فيك والله لا تشيل هم

راح اشوف لك الايميل حق الاستاذ وارجع ارد عليك إن شاء الله في نفس الموضوع

[مادري]

اللة يرحم من جابك ياخي

بس كيف ارسل معاملة الكترونية


اللة يجزاك الجنه

[مادري]

اللة يوفقك يأخ salems

[الــوان الـــطيف]

هلا والله اخوي مدري ..


اتوقع تقديم معامله من هالرابط ..

http://ers.kau.edu.sa:81/

واذا خطا يفيدونك الاخوان ان شاء الله ..

بس تطمن بما انك اختبرت بتاخذ باذن الله

... طيووفه ...

[عنيد بس عميد]

مثل ماقالت الأخت الوان الطيف أدخل الرابط ورح قدم المعاملة وفقها الله وإياكم

[مادري]

اللة يعطيكم العافيه اولااا


الرابط مافتح حاولت فيه كذا مرة ماهو راضي يفتح


اللة يوفقكم

[مادري]

ياشباب ماحد عنده خبر

[عنيد بس عميد]

http://odus3.kau.edu.sa/students/index.asp?
نظام المعاملات الالكترونية طلاب وإن شاء الله يضبط معك وفقك الله