اصحكم أحد يقول راحت علينا

[أحلى جامعيه]

السلام عليكم ورحمه الله وبركاته
من اليوم يبدء العد التنازلي لرمضان
عادته اقول للعالم الي يبعتو مسجات زي دي.. نكدين..ناس سلبيين..يطالعو دائما في النصف الفارغ من الكوب!ا
ولكنني لستُ شيئاً من ذالك على حد علمي-ولله الحمد-ا
كل ما اريده, ان اذكري نفسي واياكم, بأنه اسبوع وينتهي كل شيء! وطالما هي حتمر حتمر بإذن الله..ما اخرج وانا كسبانة ان شاءالله,حتى لو مابدءت من اول!
حتى لا اكون من الذين قال فيهم سيدينا ونبيا ومحمد صلى الله عليه وسلم
(رغم انفه من ادرك رمضان ولم يغفر له)
الله لا يجعلنا منهم ياااااااارب

وكدا على جنب
قريب نبهتني استاذتي الفاضلة.. انو ليش مانقول "طفش" في رمضان! تكاد تنعدممم مع انو مانخرج زي الايام العادية ممكن! ولا بنعمل الاكتيفتيز الي بتسلينا عادتا
ولكن رمضان عبادة× عبادة
فلقلب يغسل بالقرآن وبسماعه, حتى وان كانت الكمية قلييلة.. الا انه اقلها بيتنضف مو زي الايام العادية

ورمضان مافي شياطيين بس في انفسنا فلا نظلم الشيطان ونقول "هوا" لا.. احنا الوحشين.. وازا مو دي الاسبوعين نتعدل فيها! فإمتا؟؟

لذالك اقول لنفسي وليكم..لو يوم كسلت افتكر انو بقي اسبوعيين!!
ومعلييش لو ضاع الي فات! عندي الباقي اعوضّ فيي ان شاءالله
ودائماااااااا تذكروا..لو احترت بين امرين..فإختار الي ماتحبو نفسك يكون هو الصح في اغلب الاحيان (بتجربة)ا

فلا احد يقول انا ماني ماشي في القرآن.. لانو لو مابدءت من اصلو, تقدر تخلصو في
14 يوم
اذا قرءت كل يوم جزئين(وجزء عم سهل يتخلص بسرعة), مابالك لو انتا ماشي كم جزء من اول
كيف نخلص جزء؟؟ الحركة الظريفة كلنا عارفينها الي نقرا صفحتين بعد كل صلاة

وبالنسبة للتراويح والقيام
الي يتعب....يجلـــــــس
الي مايقدر يروح الاتنين.......يروح وحدا
الي فاتو اليوم في المسجد.....يصلي في البيت
الي مايقدر يصلي 11 ركعة......يصلي الي يقدر عليه
ولو 3 ركعات
وهذه ليست دعوة للتخفيف!!ولكن دعوة للمبادرة,لانو صدقوني لو كنتو تبغو الشي بقوووة..وماتقدرو تعملوو..ربنا راح يساعدكم فيي..بس انتو ابدءو..ماتجيكم احياننا تقولو "ماادري كيف" عدت الصلاة بسرعة ولا "ماادري كيف" خلصت جزء بدون مااحس.. بس اهم شي تعملو جهدكم وابدا لا ترضو بالقليل!

لانو صعب لمن يجي يوم العيد والناس اتعتقو من النار واحنا مو منهم

وادعو ربنا انو يصبركم على الطاعة والعبادة ويحببكم فيها

يــــــــــــارب عبدناك واجعلنـــا كما تحب وترضى فيما تبقى والى ان نلقاك وان راض عنا ان شاء الله, واعنــا على ذكرك وشكرك وحســـن عبــــــادتك وأن تدخلنــا الفردوس وتعتقنـــا من النــار انا وانتم وجميع المسلمين

مماقرأتو واعجبني
تحياتــــي