طالب العلوم

[طالب سنة تحضيرية]

يا شباب الهندسه -و فقكم الله أبغاكم- تفيدوني إيش أقرب تخصص في العلوم للهندسه علشان نزلولنا التخصصات و أنا -إن شاء الله - أبغى حول هندسه فعيني أبغى أقرب قسم للهندسه علشان تنحسبلي المواد اللي درستها في العلوم
و أبغى أعرف التحويل للهندسه العام وقف على كم المعدل لانو معدلي 3.5 يمديني أحول للهندسه و إلا لا
و بعد كم ترم يمديني أحول
و كمان أبغى أعرف إيش أقرب للهندسه كلية العلوم و إلا الحاسبات
معليش طولت عليكم لكن أعذروني

[heso]

خش فيزيا او رياضيات و خد المواد العامة المشتركة في البداية بالرياضيات و الفيزيا بعدين حول ...

بالتوفيق

[طالب سنة تحضيرية]

مشكور أخوي heso
و إن شاء الله طلاب الهندسه يفيدونا أكثر

[صقرر]

هلا اخوي

انا انصحك تدخل الفيزياء او الرياضيات او الكيمياء

لأنه الفيزياء المستوى الاول والثاني مطلوبة في الهندسة

والرياضيات 4 مستويات عامة مطلوبة في الهندسة وكمان لو تبغى تدخل هندسة صناعية أظن تاخذ 251 لو هندسة حرارية لازم تاخذ 241

الكيمياء المستوى الاول مطلوب في الهندسة والثاني في الهندسة الكيميائية

حاول تدخل الي ميولك فيه عشان لا سمح الله ما توفقت في التحويل يصير دخلت القسم المناسب لك ولميولك

بالنسبة للمعدل طالبين معدلات عالية اخوي ما ادري كم بالضبط لكن شد حيلك

بالتوفيق

[طالب سنة تحضيرية]

مشكور أخوي صقرر الله يجزاك خير
أي واحد عنده معلومه لا يبخل علينا

[خافي الأحزان]

المشاركة الأصلية كتبت بواسطة صقرر والرياضيات 4 مستويات عامة مطلوبة في الهندسة وكمان لو تبغى تدخل هندسة صناعية أظن تاخذ 251 لو هندسة حرارية لازم تاخذ 241

الصناعية يأخذون 241 والحرارية يقولون راح تنحذف عنهم المادة الترم الجاي ويأخذون الكومبلكس

حبيت أصحح المعلومة بما أنك مرجع المنتدى


بالنسبة لصاحب الموضوع لو بتحول لهندسة في خلال سنة ماراح تلحق تتخصص وأغلب المواد العامة لأول سنة تشابه مواد كلية العلوم

حاول تأخذ الرياضيات 202 و203 و204 وقريبا 205
والفيزياء 202 ومستويات الثقافة والعربي عشان لا حولت هندسة ان شاء الله ما يكون ضيعت دراستك على مواد مالها داعي

[صقرر]

هلا خافي اسف على الخطأ المطبعي

[طالب سنة تحضيرية]

مشكور يا خوي خافي الأحزان
ياليت أحد يفيدنا عن معدل تحويل السنه اللي راحت

[طالب سنة تحضيرية]

يا شباب أبغى مشورتكم ذحين أكمل علوم و بعدين أخاف ما يمديني أحول و هذا الشيء اللي خايف منه لانو بصراحه العلوم مالها ذاك المستقبل اللي زي الهندسه يعني اسحب ملفي وإلا كيف واللي ما دخلني الهندسه ربع درجه فما أدري في أمل و إلا لا يعني لو راجعتهم بعد العيد ممكن يحطوني في الهندسه
ولو أبغى أحول وين أروح وهل جامعة البترول تقبلني و تعادلي
وكيف هندسة رابغ التحويل منها سهل لهندسة جده
أسئله كثيرة في تدور في رأسي و أي قرار راح أسويه الآن راح يتحدد مستقبلي
و الله إني محتار و خايف لكن الأمل بالله كبير
أعذروني على الأطاله