لو كنت طالبة بشري وتبي تحولي لأسنان ...يللا :)

[asmaa ba_othman]

السلام عليكم ورحمة الله وبركاته
انا طالبة انقبلت اسنان طيب
وصراحة ابا بشري ....
وأكيد في وحد حالها عكسي
ازا كنت وحدة منهم
انا مستعدة اني احول لمكانك واعطيكي مكاني
بس لو من جد تبي
في امكانية ...نبدل اماكننا
لانوا لو تبي تحولي بالطريقة العادية لاازم تخلصي اول سنة بشري وبعدين تقدمي تحويل من الانترنت
وازا انقبلتي تتحولي ..ولا تنسي حكاية الدرجااات لازم تكووون عااالية
ازان ....اللي تحب ياريت تقولي عشان ارتب الموضوع
وسامحوني طولت عليكم
والله يكيسهل الخير للكل
والله يتتملنا الشهر دا بقبول وغفران وعتق من النيران
اللهم آمين

[A N G E L]

بالتوفيق جميعا :)
وسهالة ان شاء الله لكم

[rayyan1444]

اختي الفاضله اذا انتي محققه النسبة الخاصة والدرجة الموزونه للطب البشري تقدري تحولي عن طريق العميد عبدالفتاح مشاط ..ارسلي الوالد او احد اخوانك الى العميد في يوم الاحد 8/10

والكلام هذا هو العميد بنفسه قالي اياه ...اذا حابه تتاكدين اكثر ارسلي للعميد ووضحيله انك محققه السبة الخاصة والدرجة الموزونه

وبالتوفيق

[أطياف]

امممم يعني في إمكانيه ؟
بس انا موزوني أقل من 90

بشوف الاوضاع , والله حلمي طب أسنان ..
والله يكتب اللي فيه الخير

[asmaa ba_othman]

المشاركة الأصلية كتبت بواسطة rayyan1444 اختي الفاضله اذا انتي محققه النسبة الخاصة والدرجة الموزونه للطب البشري تقدري تحولي عن طريق العميد عبدالفتاح مشاط ..ارسلي الوالد او احد اخوانك الى العميد في يوم الاحد 8/10 والكلام هذا هو العميد بنفسه قالي اياه ...اذا حابه تتاكدين اكثر ارسلي للعميد ووضحيله انك محققه السبة الخاصة والدرجة الموزونه وبالتوفيق

طب والله كويس
شكرًا
انا رحت الجامعة الاسبوع الماضي والحمدلله زي ما رحتي زي ماجيتي
ما احد يقولك شي عدل
كلووو استنى التحويل ينزل على الانترنت
الله المستعان بس
جزاكم الله الف خير
وللمعلومية انا ايوة جايبة الدرجة اللي طالبينها وزيادة عليها

[rayyan1444]

المشاركة الأصلية كتبت بواسطة asmaa ba_othman وللمعلومية انا ايوة جايبة الدرجة اللي طالبينها وزيادة عليها

خلاص ارسلي ابوك ولا اخوك لعميد القبول والتسجيل مشاط يوم الاحد 8/10 مع كشف الدرجات ولايسير خاطرك الا طيب

[asmaa ba_othman]

المشاركة الأصلية كتبت بواسطة rayyan1444 اختي الفاضله اذا انتي محققه النسبة الخاصة والدرجة الموزونه للطب البشري تقدري تحولي عن طريق العميد عبدالفتاح مشاط ..ارسلي الوالد او احد اخوانك الى العميد في يوم الاحد 8/10 والكلام هذا هو العميد بنفسه قالي اياه ...اذا حابه تتاكدين اكثر ارسلي للعميد ووضحيله انك محققه السبة الخاصة والدرجة الموزونه وبالتوفيق

طب معليش ممكن تقولي كيف ارسلوا ايميل
ما بعت ايميل ليه قبل كدا بأدور على ايميلوا مو لاقياه
وجواك الله الف خير

[rayyan1444]

المشاركة الأصلية كتبت بواسطة asmaa ba_othman طب معليش ممكن تقولي كيف ارسلوا ايميل ما بعت ايميل ليه قبل كدا بأدور على ايميلوا مو لاقياه وجواك الله الف خير

asmashat@kau.edu.sa

[Sweet pink]

المشاركة الأصلية كتبت بواسطة asmaa ba_othman السلام عليكم ورحمة الله وبركاته انا طالبة انقبلت اسنان طيب وصراحة ابا بشري .... وأكيد في وحد حالها عكسي ازا كنت وحدة منهم انا مستعدة اني احول لمكانك واعطيكي مكاني بس لو من جد تبي في امكانية ...نبدل اماكننا لانوا لو تبي تحولي بالطريقة العادية لاازم تخلصي اول سنة بشري وبعدين تقدمي تحويل من الانترنت وازا انقبلتي تتحولي ..ولا تنسي حكاية الدرجااات لازم تكووون عااالية ازان ....اللي تحب ياريت تقولي عشان ارتب الموضوع وسامحوني طولت عليكم والله يكيسهل الخير للكل والله يتتملنا الشهر دا بقبول وغفران وعتق من النيران اللهم آمين

السلام عليكم أختي..
كيفيك وإيش أخبارك؟؟..بصراحه أنا عكس حالتك تماما وإذا مازلتي تبغي تحولي لبشري ونقدر نبدل الأماكن ماعندي مشكلة وكمان جايبه انا النسبة المطلوبة بالأسنان..أستنى منك رد..وشكراا

[asmaa ba_othman]

أهلاً وعليكم السلام والرحمة اختي سوست بينك
ايوة طبعًا ما زال عندي رغبة بالتحويل
طب خلاص ياريت تكلميني تبعتيلي رسالة خاصة بالمنتدى فيها ايميل اقدر اراسلك عليه منو نتفق بإذن الله