سؤال عن العلاج الطبيعي..

[miss chocolate]

المشاركة الأصلية كتبت بواسطة weddah ابغى اسأل عن طبيعة عمل العلاج الطبيعي يعني من الخطه الدراسية والمواد انا فهمت اش دراسته وكل التخصصات الثانية واضح مجال عملها بس العلاج الطبيعي ما كان واضح صارت موقفين هي سبب استفساري خالتي عندها مشاكل في رجلها وراحت لدكتورة عظام دكتورة العظام ارسلتها لاخصائية العلاج الطبيعي اخصائية العلاج الطبيعي حددتلها الجلسات ونوع العلاج وبس ما عاد شافتها كل جلسة تروح لفنية العلاج الفلبينية وهي تسوي كل شي وفي النهاية ترجع لدكتورة العظام وخالتي نفسها راحت مستشفى ثانية دكتور العظام نفسه حددلها علاج طبيعي وهو قرر العلاج والجلسات وكل شي وتروح عند الفنية الفلبينية على طول تسويلها كل شي يعني لو تكلمونا اكثر عن طبيعة عملهم ودورهم بالضبط اكون لكم من الشاكرين واعتذر عن الاطالة ..

طيب ناخد الموقفين بالتفصيل وايش الصح
الاول هو الصح الدكتور يرسل للاخصائي طلب بمشكلة المريض وماله اي احقية انو يحدد نوع العلاج الا اذا في اشياء محظورة انها تنعمل لها او تمرين او حركة معينة
بعد كدا الاخصائية تشوف المريض وتعمل فحص تاني وتحدد المطلوب وتحط الخطة اذا كان يوجد فني ممكن تقوليلو ايش حتعمل لمريضك

الموقف التاني الدكتور اللي راحتلو خالتك احتمالين يا انو هو تخصصو physial medicineوهو انو يكون دارس طب ودرس بعدا كدا سنة او سنتين علاج طبيعي فما اتوقع انو من حقو يعطي الاخصائي الخطة لكن الفني ايوة
او انو يكون دكتور عظام عادي بس انو اتدخل وحدد ايش يبغا وهادا ابدا مو من حقو وفي مستشفيات تتناقش مع الدكاترة انو من حقك تحط الخطة

عموما لا تتوقعو انو الاخصائي يحط رجل على رجل والفني اللي يعمل لأ بنشتغل كل الشغل واذا احتجنا مساعدة نطلب من الفني وهادا اللي شفتو في سنة الامتياز في المستشفيات الفاهمة في العلاج لكن بعضها بتقارن الفني زي الاخصائي
الفني تراهم كويسين في التطبيق العملي لكن معلوماتهم النظرية مو زينا