حسيت انه الهدف كان التشتيت 3/>

[sultanooh]

طيب

اولاً :::

النظام سنوي يعني مايمديك تعتذري عن ترم لازم تعتذري عن السنة بكاملها

ثانياً :::

اذا جبتي في الترم الاول كل المواد 100 من 100

والترم الثاني 100 من 100 ماعدا مادة جبتي 59

راح تعيدي المادة في الصيف وكمان جبتي 59

راح تعيدي السنة بكاملها حتى المواد اللي نجحتي فيها وكمان تعيدي الترمين << السنة بكاملها

فيه بعض مواد الطب تقويم مستمر يعني ممكن دكتورة تظلمك وترسبك في مادة يصير تعب سنة كله راح ولازم تعيدي السنة بكاملها

ثالثاً :::

الغيابات فقط 10 %

وبعدها يعطوك حرمان يعني لازم تعيدي السنة بأكملها

هذا مالدي من عيوب حالياً اتمنى منك الرد عليها

انا كنت حط الطب رغبة اولى بس بعد ماعرفت هذي الانظمة في اليوم الارشادي عذرت عن الطب

[Dr.Passed]

المشاركة الأصلية كتبت بواسطة sultanooh طيب اولاً ::: النظام سنوي يعني مايمديك تعتذري عن ترم لازم تعتذري عن السنة بكاملها ثانياً ::: اذا جبتي في الترم الاول كل المواد 100 من 100 والترم الثاني 100 من 100 ماعدا مادة جبتي 59 راح تعيدي المادة في الصيف وكمان جبتي 59 راح تعيدي السنة بكاملها حتى المواد اللي نجحتي فيها وكمان تعيدي الترمين << السنة بكاملها فيه بعض مواد الطب تقويم مستمر يعني ممكن دكتورة تظلمك وترسبك في مادة يصير تعب سنة كله راح ولازم تعيدي السنة بكاملها ثالثاً ::: الغيابات فقط 10 % وبعدها يعطوك حرمان يعني لازم تعيدي السنة بأكملها هذا مالدي من عيوب حالياً اتمنى منك الرد عليها انا كنت حط الطب رغبة اولى بس بعد ماعرفت هذي الانظمة في اليوم الارشادي عذرت عن الطب

اول شي الطب معناتو انك تدي عهد بينك وبين نفسك وضميرك انو حياتك بعد كدة حتكون لغيرك...يعني الناس...المرضى المحتاجين ممكن يحتاجوك في اي وقت وانتا لازم تكون حاضر...حتى لو ماكان عندك مناوبات...السؤال ضميرك يسمحلك انك تسيب احد محتاجلك فين ماكنت....لو في اجازة إن شاء الله...لو نايم من عز نومك تقوم عشان تنقزحياة احد بإذن الله. المسألة مهي سهلة ولامسأله عمل ولاوظيفة ولا راتب حتى....هادا شي بعد كدة حيسير انساني فينا....شيئ جزء من شخصيتنا وحياتنا....هادي شغلتنا نكون حاضرين للناس الي يحتاجونا بعد الله في اي وقت...زي ماقلتلك انا عارفة انو المسألة مهي سهلة ابدا...حتى بعد كدة...انا كمان بأفكر في المدى البعيد واحس انو انا عندي القدرة اني اكون كدة.

بالنسبة لل 59 انا ماحطيت الإحتمال دا في راصي لأني اسوي الي عليا واكتر كمان فمني خايفة من النحية دي...وانا بالنسبالي ماعندي اي مشاكل في اللغة بالعكس الدراسة بالإنجليزي طول عمرها اسهلي..يعني من كل النواحي المطلوب اني ازاكر واجتهد وانشاءالله الطريق قدامي.

الشي التاني بالنسبة للدكتورة الي حتديني على راصي...برضي ماعندي مشكله...اعرف اتعامل واحبب الشريرين فيا....انا واثقة انو انا بازات النقطة دي ماعندي اي مشكلة فيها.

وانا من رأيي ماتتسرع وتغير مسارك لأنو كلنا عندنا قدرات امكن منكون اكتشفناها في نفسنا فإنت استخير وانشاءالله خير

[دعو]

المشاركة الأصلية كتبت بواسطة dr.passed اول شي الطب معناتو انك تدي عهد بينك وبين نفسك وضميرك انو حياتك بعد كدة حتكون لغيرك...يعني الناس...المرضى المحتاجين ممكن يحتاجوك في اي وقت وانتا لازم تكون حاضر...حتى لو ماكان عندك مناوبات...السؤال ضميرك يسمحلك انك تسيب احد محتاجلك فين ماكنت....لو في اجازة إن شاء الله...لو نايم من عز نومك تقوم عشان تنقزحياة احد بإذن الله. المسألة مهي سهلة ولامسأله عمل ولاوظيفة ولا راتب حتى....هادا شي بعد كدة حيسير انساني فينا....شيئ جزء من شخصيتنا وحياتنا....هادي شغلتنا نكون حاضرين للناس الي يحتاجونا بعد الله في اي وقت...زي ماقلتلك انا عارفة انو المسألة مهي سهلة ابدا...حتى بعد كدة...انا كمان بأفكر في المدى البعيد واحس انو انا عندي القدرة اني اكون كدة. بالنسبة لل 59 انا ماحطيت الإحتمال دا في راصي لأني اسوي الي عليا واكتر كمان فمني خايفة من النحية دي...وانا بالنسبالي ماعندي اي مشاكل في اللغة بالعكس الدراسة بالإنجليزي طول عمرها اسهلي..يعني من كل النواحي المطلوب اني ازاكر واجتهد وانشاءالله الطريق قدامي. الشي التاني بالنسبة للدكتورة الي حتديني على راصي...برضي ماعندي مشكله...اعرف اتعامل واحبب الشريرين فيا....انا واثقة انو انا بازات النقطة دي ماعندي اي مشكلة فيها. وانا من رأيي ماتتسرع وتغير مسارك لأنو كلنا عندنا قدرات امكن منكون اكتشفناها في نفسنا فإنت استخير وانشاءالله خير

ماشاء الله عليك كلاام مرره حلو وفي تشجيع ربي يووفقك ياعسل ويحققلك إلي تبغيه

[Dr.Passed]

المشاركة الأصلية كتبت بواسطة دعو ماشاء الله عليك كلاام مرره حلو وفي تشجيع ربي يووفقك ياعسل ويحققلك إلي تبغيه

اجمعين كلنا انشاالله =)

[losfer]

المشاركة الأصلية كتبت بواسطة sultanooh طيب اولاً ::: النظام سنوي يعني مايمديك تعتذري عن ترم لازم تعتذري عن السنة بكاملها ثانياً ::: اذا جبتي في الترم الاول كل المواد 100 من 100 والترم الثاني 100 من 100 ماعدا مادة جبتي 59 راح تعيدي المادة في الصيف وكمان جبتي 59 راح تعيدي السنة بكاملها حتى المواد اللي نجحتي فيها وكمان تعيدي الترمين << السنة بكاملها فيه بعض مواد الطب تقويم مستمر يعني ممكن دكتورة تظلمك وترسبك في مادة يصير تعب سنة كله راح ولازم تعيدي السنة بكاملها ثالثاً ::: الغيابات فقط 10 % وبعدها يعطوك حرمان يعني لازم تعيدي السنة بأكملها هذا مالدي من عيوب حالياً اتمنى منك الرد عليها انا كنت حط الطب رغبة اولى بس بعد ماعرفت هذي الانظمة في اليوم الارشادي عذرت عن الطب

اسمحلي يا أخ سلطان اني أرد عليك
ادري اني خاش عرض في الموضوع بس مشيها لي

لأني استغربت يوم شفت ردك في موضوع ثاني انك كنت ناوي طب وكنسلت بعد اليوم الإرشادي عشان عرفت بعض العيوب اللي فيه
انا وقتها وسوست وقلت أكيد في شي كارثي في الكلية

لكن اذا هذي هي أسبابك كلها أو خل نقول اهم اسبابك فاسمحلي كلها غير منطقية واللي جاد يبغى يدخل طب يحتاج اسباب اقوى من كذا بعشر مرات عشان يبطل
أنا عن نفسي ماني قد كذا متحمس لكلية الطب ولا انا زي بعض ناس يا طب ولا بطلع من الجامعة لكن مع كذا الاسباب اللي ذكرتها ما غيرت اي شي في تفكيري لأني أساسا متوقع نظام الدراسة في الكلية يكون بالطريقة هذي
صح فيها شوية تشدد لكن السبب في اعتقادي ان الدراسة بالذات في كلية الطب لازم تاخذ طابع جدي اكثر من اي شي ثاني يعني ما تخليها شي ثانوي عندك



وبقلك رأيي في كل النقاط اللي اتكلمت عنها

أول نقطة انتا ذكرتها اللي هيا النظام السنوي والاعتذارات
مدري اذا الاثنين مرتبطة ببعض عندك ولا لأ لكن انا حجاوبك على اساس انهم مرتبطين بمعنى ان العيب الوحيد للنظام السنوي هو انك ما تقدر اعتذار عن ترم لحالو
الدراسة في كلية الطب زي ما الكل عارف 7 سنين
وانا انسان ابغى الحق على عمري مو اني اقعد سنين في دراسة واقعد لين قريب 30 وانا لسه ادرس ما توظفت
ليش احط في راسي من البداية انو فيه شي اسمو اعتذارات
اتوقع اغلب الطلاب اللي يبو طب هذي وجهة نظرهم انا من البداية شايل من راسي شي اسمو اعتذار ولا افكر اني في يوم اعتذر عن ترم او عن سنة او اللي يكون
لو كنت من البداية مخطط اني آخذلي ترم راحة في النص وقتها ممكن هذا السبب يأثر في قراري .

النقطة الثانية اللي هيا نظام الكلية مع الطلاب الراسبين
اعتقد انك فهمت الجزئية هذي خطأ لكن قبل الكلام الكثير
صح دراسة الطب صعبة ووو و من الكلام هذا وممكن الواحد يتعب فيها ويجيب درجات نازلة لكن اللي يشوف ان سوء درجاتو احتمال يوصل للرسوب اقلو لا تخش طب من البداية لأنك ماخشيت طب الا وانتا شايل احتمالية الرسوب من بالك وهذا هوا السبب اللي يخلي الكلية تبغى صفوة الطلاب
أما بالنسبة للي خايف من ظلم الدكاترة هذا اقلو لا تخش جامعة من الأساس
معروفة الجامعات عندنا وكلية الطب ماهي استثناء
لو رحت فين ممكن تلقى دكتور يخسفبك
الشي اللي خلاني اعتقد ان المعلومة هذي ما وصلتك بشكل صحيح هو أن دليل كلية الطب اللي اخذتو من الكورنر تبعهم قدامي دحين
وفي الصفحة 17 تحت فقرة ( قواعد الدراسة والاختبارات ) مكتوب الكلام التالي بالنص :
يسمح للطلاب الراسبون في مقرر أو أكثر لا يزيد عبؤها الدراسي عن (7) وحدات دراسية بالانتقال إلى السنة التالية. وذلك بعد اختبارات الدور الثاني. على أن يدخل الطالب الاختبار التالي للمقرر الذي رسب فيه.
الطلاب الراسبون في أكثر من (7) وحدات دراسية وذلك بعد اختبارات الدور الثاني يبقون لإعادة السنة الدراسية في المقررات الراسبين فيها فقط دراسة واختباراً . ا.ه.
أنا نقلت الكلام مكتوب زي ماهو بالحرف وبالأخطاء النحوية اللي فيه


نجي لآخر نقطة
الغياب وسياسة 10%
ما يحتاج اكثر هرج عن الجدية و و و .. إلخ
الغيابات هذي هما سامحين لك بيها بدون عذر
التحضيري 25 وهنا 10
لوتقارن مستويات الدراسة هنا وهناك رح تلقى الـ10% معقولة جدا وانت بنفسك تتنكب لو غبت بزيادة لأن الطب ما تلقى فيه زي أشرف بركات والسعدي وحبايبنا الباقي
فيه ملخصات ايوة وفي من الكلام ذا لكن لو بتعتمد على ذكائك هناك بتضيع
يعني شي ليك قبل لا يكون ليهم

في الأخير اعذرني على الدش الكثير هذا ويمكن كلامي ما يعجبك في الاخير هو رأي خاص بيا
الله يوفق الجميع