يا جماعة فتح التقديم في جامعة الملك سعود .. للي يبغى يقدم هنا وهنا

[اقتصادي لغوي]

والله يا أستاذة تهاني مقدر أفيدك في النقطة هادي للأسف :)

لكن طالما انو الموضوع مهم للدرجة هادي أشير عليكي تتواصلي مع وحدة القبول بعمادة الدراسلت العليا في الجامعة وخصوصا مدير وحدة القبول الأستاذ عبد الله صفحي وأكيد ما راح يقصر معاكي وأنا اتواصلت معاه وهوا راجل كبير في السن وخلوق جدا ويعطيكي معلومة أكيدة ( 6400000 تحويلة 64663 ) .. وطبعا فيه أرقام تواصل مع أقسام الطالبات .. وهادا رابط ارقام التواصل لعمادة الدراسات العليا في جامعتنا :

http://graduatestudies.kau.edu.sa/Pa...%86%D8%A7.aspx

وربنا يحققلك اللي تتمنيه

[اتعبني*غلاهم]

طيب ممكن سوال كيف دراسة الماستر حلوه ولا صعبه ولازم بالانقليزي ولا مو لازم؟!
وكيف ادرسها تكون في بعثه ولا في جامعتي ؟؟؟

[اقتصادي لغوي]

أهلين يا أستاذة تهاني :)

والله أنا ما درست ماجستير اقتصاد قبل كذا فمدري عنو

لكن طالما عندك طموح وحابة الفكرة أتوقع بتكون سهلة وحلوة

عموما فيه الأستاذة مولا أنا بتواصل معاها هنا في المنتدى وبأسألها وبأتناقش معاها في شوية أمور بخصوص ماجستير الاقتصاد في جامعة الملك عبد العزيز في هادا الموضوع .. وهيا شهادة لله انسانة محترمة وخلوقة ومحبة للخير

http://www.skaau.com/vb/showthread.php?t=721286

ممكن تتفضلي تتفاعلي معانا في الموضوع .. أو تتواصلي معاها ع الخاص .. هيا النيك نيم تبعها mola .. وان شاء الله ما بتقصر معاكي

* والدراسة طبعا بتكون في نفس الجامعة

أما ازا اتوظفتي كمعيدة أو التحقتي ببرنامج الملك للابتعاث الخارجي فراح تكون دراستك للماجستير في الخارج أكيد

عموما برنامج الملك بيفتح فيه التقديم سنويا كل رمضان .. وفي المرحلة التاسعة الحالية أضافو تخصص الاقتصاد لتخصصات الابتعاث .. فصار فيه فرصة للي يبغى يدرس اقتصاد بره

وطبعا يشترطو عدة شروط منها انو يكون تخصصك في الماستر نفس تخصصك في البكالريوس ( امتداد ليه )

وعشان تحصلي على معلومات أكتر عن برنامج الملك للابتعاث الخارجي أدلك على موقع مبتعث وممكن فيه مواقع أخرى بس هادا اللي أعرفو وأتعامل معاه من سنوات ورابطو هوا :

http://www.mbt3th.us/vb/forum172/thread424615.html

طبعا أنا أعطيتك رابط موضوع في منتدى مبتعث هادا الموضوع يتكلم عن شروط الابتعاث اللي كان التقديم عليه في رمضان 1434 هـ

وربنا يحققلك اللي تتمنيه

تحياتي

[عبدالعزيز المقبل]

المشاركة الأصلية كتبت بواسطة tahani_dreem طيب انا ان شاء الله راح اتخرج دا الترم يمديني اقدم بإفادة من جامعتي اني راح اتخرج ذا الترم ولا ما يمديني لانهم طالبين ارفاق الوثيقة والسجل الاكاديمي

نعم
يمديك بعد التخرج بحول الله
تتحصلين على افادة انك خريجة وانو وثيقتك في طور الاصدار
وصور مصدقة من سجلك الاكاديمي
وتتقدمين للدراسات العليا بتاريخ 16-4



وشكرا اخي اقتصادي على التذكير..

[اقتصادي لغوي]

حق وواجب يا استاذ عبد العزيز :)

[اتعبني*غلاهم]

السلام عليكم جامعة الملك عبدالعزيز معدلها من خمسه ولا اربعه؟؟ ارجو الرد سريعاً

[اقتصادي لغوي]

وعليكم السلام

معدلها من خمسة

[اقتصادي لغوي]

اليوم أكملت التقديم الالكتروني لماجستير الاقتصاد في جامعة الملك سعود

وننتظر تقديم جامعة الملك عبد العزيز عشان نقدم عليه كمان

وربنا ييسرها :)

[اقتصادي لغوي]

سلامو عليكم

راح يفتح التقديم على " ماجستير العلوم في الاقتصاد " .. في جامعة القصيم هادا الشهر بتاريخ 11 / 3 / 1435 هـ


وبرامج الدراسات العليا في جامعة أم القرى راح يفتح التقديم عليها بتاريخ 4 / 3 / 1435 هـ

بس ما عندهم ماجستير اقتصاد للأسف

باقي ماجستير الاقتصاد في جامعة الامام

وماجستير الاقتصاد والارشاد الزراعي ( Agricultural Economics ) في جامعة الملك فيصل

مدري متى يفتح التقديم حقهم !

ربنا يحققلنا اللي نتمناه